Паводле зьвестак ЦВК, адзіны кандыдат ад Дэмакратычных сілаў здаў 198 798 подпісаў. У штабе Мілінкевіча называюць лічбу 206 тысячаў. За Аляксандра Казуліна, лідэра сацыял-дэмакратаў з Грамады, здадзена 158 014 подпісаў.
У абодвух прэтэндэнтаў на першым месцы па колькасьці здадзеных подпісаў - Менск. У Мілінкевіча тут сабрана 61 000, у Казуліна - 55 000.
Сярод абласьцей Мілінкевіч сабраў меней за Казуліна толькі на Магілёўшчыне - 22 тысячы супраць 24 тыс. "казулінскіх". (Кіраўніком абласнога штабу Мілінкевіча на Магілёўшчыне быў Уладзімер Шанцаў з Аб'яднанай грамадзянскай партыі.) У астатніх рэгіёнах Мілінкевіч набраў болей: на Берасьцейшчыне - 24 на 21 тысячу (на чале штабу Юры Губарэвіч, БНФ), у Віцебскай - 28 на 21 (Хрыстафор Жаляпаў, БНФ), у Гомельскай - 24,5 на 7 (Уладзімер Кацора, АГП), у Гарадзенскай - 28 на 16 (Анатоль Хацько, былая Партыя працы), у Менскай - 19,6 (кіраўнік штабу Пётра Голасаў з АГП) на 15.
Найбольш подпісаў А.Мілінкевічу далі наступныя гарады й раёны:
Горадня - 13 100
Гомель - 12 649
Віцебск - 12 291
Магілёў - 11 761
Берасьце - 9 249
Ворша - 6 474
Бабруйск - 5 151
Ліда - 4 650
Полацак-Наваполацак - 4 234
Бяроза-Белаазёрск - 3 331 (зь іх Белаазерск - 2 054)
Барысаў - 3 365
Баранавічы - 3 050
Салігорск - 2 770
Жодзіна - 2 730
Слонім 2 416
Пухавіцкі раён (разам з Мар'інай Горкай) - 2 247
Сьветлагорск - 2 234
Жлобін - 2 005
Ваўкавыск - 1 975
Маладэчна - 1 960
Пінск - 1 832
Мазыр - 1 627
Рэчыца - 1 479
Рагачоў - 1 401
Асіповічы - 1 351
Глыбокае - 1 201
Верхнядзьвінск - 1 178
Драгічын - 1 029
Шчучын - 1 028
Вялейка - 950
Чавусы - 801
Горкі - 787
Зьміцер Дрыгайла
