07.10.2010 / 11:50

Спікер ПП НС: З кантэксту Лукашэнкі вырываюцца асобныя выказванні, якія трактуюцца ў негатыўным святле 1

«Апошнім часам пад сумненне ставяцца пытанні стратэгічнага супрацоўніцтва Беларусі і Расіі», — заявіў спікер палаты прадстаўнікоў Уладзімір Андрэйчанка, адкрываючы 7 кастрычніка ў Мінску экстраннае сумеснае пасяджэнне абедзвюх палат Нацыянальнага сходу.

«З кантэксту кіраўніка дзяржавы вырываюцца асобныя выказванні, якія трактуюцца ў негатыўным для Беларусі святле», — сказаў ён.

Разам з тым Андрэйчанка мяркуе, што паміж дзяржавамі наладжаны цесныя кантакты, якія садзейнічаюць стварэнню эканамічнай стабільнасці ў дзвюх краінах. «Ніхто не павінен ставіць пад сумненне неабходнасць такога супрацоўніцтва. Трэба, каб дзеянні палітыкаў насілі канструктыўны характар», — заявіў спікер.

На сумесным пасяджэнні дэпутаты ПП НС і члены Савета Рэспублікі прымуць заяву па беларуска-расійскіх адносінах — у адказ на заяву расійскай Дзярждумы на гэтую ж тэму.

У заяве Дзярждумы падкрэсліваецца, што адносіны Масквы і Мінска не павінны выкарыстоўвацца ў якасці разменнай манеты падчас перадвыбарнай кампаніі ў Беларусі.

Хочаш падзяліцца важнай інфармацыяй ананімна і канфідэнцыйна?

0
Мікола былы кулак / Адказаць
11.10.2010 / 08:18
Не турбуйцеся, лішні раз калгасны старшыня пацалуе ў сраку маскалю і яму даруюць доўгі язык, абы слухаўся - рыгоравіча даўно ўсе прыстойныя людзі лічаць круглым калгасьнікам і на парог не пускаюць. Ну, абазвалі маскалі злодзяем і бандыкам дык яны самі ж сваіх людзей газам труцяць, па дзецям у школе з танкаў страляюць. яшчэ большыя людажэрцы,
Каб пакінуць каментар, калі ласка, актывуйце JavaScript у наладах свайго браўзеру