07.10.2010 / 16:55

Рымашэўскі: Заклікаю 24 лістапада ўсіх прыйсці на Плошчу 19

Мы вядзём перамовы з усімі кандыдатамі, каб арганізаваць з імі супольную сустрэчу ў гэты дзень.

Кандыдат на пасаду прэзідэнта ад Беларускай Хрысціянскай Дэмакратыі заклікаў неабыякавых прыйсці на Кастрычніцкую плошчу сталіцы 24 лістапада. «У гэты дзень у нас будзе рэпетыцыя Плошчы. Мы зараз вядзём перамовы з усімі кандыдатамі, каб арганізаваць з імі супольную сустрэчу ў гэты дзень. Мы запрашаем усіх на сустрэчу са мной, незалежна ад таго, зарэгіструе ўлада мяне, альбо не», — заявіў Віталь Рымашэўскі на прэс-канферэнцыі 7 кастрычніка.

Спадар Рымашэўскі таксама выказаў упэўненасць, што улады прыкладуць усе намаганні, каб не рэгістраваць яго кандыдатам у прэзідэнты. Ён таксама заклікаў усіх кандыдатаў аб’яднацца вакол супольных хрысціянска-дэмакратычных каштоўнасцяў. «Мы адкрытыя да супрацы. Мы запрашаем усіх кандыдатаў далучацца да БХД», — заявіў Рымашэўскі.

Хочаш падзяліцца важнай інфармацыяй ананімна і канфідэнцыйна?

АП

0
Scooter / Адказаць
07.10.2010 / 17:03
Заклік у стылі "выпусьціце пару перад галасаваньнем, каб потым на плошчу і ні падумалі ісьці".
0
Danik / Адказаць
07.10.2010 / 17:21
@Scooter +1000!
0
Міхаліна / Адказаць
07.10.2010 / 17:41
Мне заўсёды падавалася, што блізкасць да Бога павінна прыносіць плён у выглядзе жыццёвай мудрасці. У выпадку спадара Рымашэўскага гэтага не назіраецца нават у аптэкарскіх колькасцях - заклікаць людзей прыйсці на плошчу проста так, каб магчыма атрымаць там па галаве? Проста таму, што Рымашэўскаму так хочацца? Калі чалавек сам пра сябе кажа: "Мы запрашаем усіх на сустрэчу са мной" - што яшчэ можна дадаць да гэтай фразы?
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру