20.10.2006 / 23:37

Рада Эўропы шукае ў Беларусь ня мост дык кладку 3

Старшыня Парлямэнцкай асамблеі Рады Эўропы Рэнэ Ван дэр Ліндэн: Палітыка ізаляцыі ня зьменіць сытуацыі на лепшае.

Старшыня Палаты прадстаўнікоў Уладзімер Канаплёў сустрэўся ў Маскве з кіраўніком Парлямэнцкай асамблеі Рады Эўропы (ПАРЭ) Рэнэ Ван дэр Ліндэрам. Сустрэча адбылася ў рамках форуму «Пра будучыню дэмакратыі» і мела нефармальны характар. У часе яе абмяркоўваліся дачыненьні між Радай Эўропы і афіцыйным Менскам. Па словах Уладзімера Канаплёва, старшыня ПАРЭ выказаў гатовасьць наведаць зь візытам Беларусь, а таксама правесьці канфэрэнцыю па пытаньнях міжпарлямэнцкага супрацоўніцтва зь Беларусьсю.

Ван дэр Ліндэн: Зараз я спрабую ініцыяваць новы дыялёг у імя магчымага візыту ў Менск пры пэўных умовах. Я ня думаю, што палітыка ізаляцыі зьменіць сытуацыю на лепшае. Таму, я перакананы, Рада Эўропы мусіць паспрабаваць знайсьці шляхі для пачатку дыялёгу між грамадзянскай супольнасьцю, апазыцыяй і другім бокам у Менску.

Вы толькі што згадалі магчымасьць вашага візыту ў Менск. Ці можаце вы ўжо назваць канкрэтныя тэрміны?

Ван дэр Ліндэн: Не. Нічога канкрэтнага я сказаць не магу. Я заявіў, што гатовы прыехаць у Менск пры пэўных умовах. Зараз мы вывучаем сытуацыю, каб зразумець, ці магчыма будзе рэалізаваць гэтую ідэю, ці не. Натуральна, што ўмовы такога візыту мусяць быць прымальныя і для афіцыйнага Менску, і для мяне.

У часе вашай сустрэчы вялася гаворка пра магчымую канфэрэнцыю па міжпарлямэнцкім супрацоўніцтве між Радай Эўропы і Беларусьсю. Ці ёсьць ужо канкрэтныя напрацоўкі па гэтым пытаньні?

Ван дэр Ліндэн: Пакуль яшчэ рана гаварыць пра правядзеньне канкрэтнай канфэрэнцыі, гаворка ідзе толькі пра магчымасьць арганізацыі такога мерапрыемства, аднак ніякіх канкрэтных рашэньняў пакуль не прынята. У Радзе Эўропы ёсьць людзі, якія кажуць, што мы павінны арганізаваць такую канфэрэнцыю зь іншымі міжнароднымі арганізацыямі, што мы павінны вызначыць з гэтымі арганізацыямі агульную пазыцыю, але пакуль, паўтаруся, ніякага канкрэтнага рашэньня не прынята.

Што неабхдна зрабіць для таго, каб адносіны між Радай Эўропы і афіцыйным Менскам палепшыліся?

Ван дэр Ліндэн: Я думаю, вельмі важна паказаць, што Рада Эўропы дае магчымасьць арганізацыям, грамадзкай супольнасьці разьвівацца ў дэмакратычным кірунку. Я ўжо раней казаў, што было б вельмі важным арганізаваць у Менску інфармацыйнае бюро Рады Эўропы, якое ня будзе займацца якой-кольвек прапагандай, гэтага мы ня хочам, а будзе даваць інфармацыю пра тое, якія каштоўнасьці адстойвае Рада Эўропы, інфармацыю пра сытуацыю ў Эўропе.

Ці спадзеяцеся вы на тое, што беларускія ўлады пойдуць вам насустрач?

Ван дэр Ліндэн: Я спадзяюся, што і яны не зацікаўленыя ў ізаляцыі. Я думаю, што кожная краіна зацікаўленая ў дыялёгу, у магчымасьцях наладжваць і разьвіваць кантакты на міжнародным узроўні. Я спадзяюся, што ў гэтым сэнсе нешта памяняецца на лепшае, каб мы маглі сказаць, што мы бачым новыя шляхі на ўступленьне ў будучыні Беларусі ў Раду Эўропы. Бо да гэтага часу Беларусь застаецца адзінай эўрапейскай краінай, якая не ўваходзіць у Раду. І цяпер Рада Эўропы дае магчымасьць весьці больш гнуткую палітыку, каб наладзіць масты, пачаць дыялёг, які ў нашых дачыненьнях пасуне нас далей.

Гутарыў Генадзь Кесьнер

Хочаш падзяліцца важнай інфармацыяй ананімна і канфідэнцыйна?

0
Лагодніч / Адказаць
22.10.2006 / 21:40
Правільна. Старая у плане зрэласці дэмакратыя Эуропы павінна дапамагчы у многім невыспеушай, неакрэпшай. маладой дзяржаве беларусау. У нечым можа і дараваць ей, як немауляці, памылкі росту, падтрымаць. Бо мы адчуваем шалены ціск, нас душыць накінутая на Беларусь сетка з расійскіх спецслужбау. Апошнія робяць усе. каб мы не пасталелі, каб заставаліся у палоне каланіяльнага мыслення, з сфарміраваным у нас Расіяй амаль 300 гадовым панаваннем над намі комплексам "малодшага брата", комплексам непаунавартасці, другасортнасці. Вось чаму кірауніцтва з такім комплексам выкінула адусюль усе беларускае. І гэта пры тым, што усе тры стагоддзі панавання пры усіх перапісах насельнацтва нашы беларускія землі вельмі выгадна адрозніваліся у лепшы бок ад уласна рускіх. Працягласць жыцця зауседы была нашмат большай, колькасць дзяцей у сем"ях, узровень адукацыі і дабрабыту таксама. У савецкія часы доля насельніцтва БССР складала 4% ад усяго СССР (10мільенау ад 250). А доля валавага прадукта у 4 - 5 раз была большай. Значыць, беларусы зауседы былі больш эфектыунымі, чым рускія. Таму трэба скідваць з сябе гэтае ганебнае прыніжэнне. Але галоунае, што павінны усвядоміць і нашы кіраунікі і многія астатнія: калі мы больш эфектыуныя, гаспадарчыя,працавітыяіг.д., то і моваі культура нашая не горшая. а лепшая за рускую. Бо мова - гэта спосаб думання, светауспрымання. і І яно у нас больш эффектыунае. Таму палюбіце усе свае роднае. беларускае. абараняйце яго ад ворагау беларускасці. І, калі ласка. пашырайце. так бы мовіць, арэал беларускасці, яе, беларускасці, жыццевую прастору, Жыве Беларусь!
0
pan Brudas / Адказаць
24.10.2006 / 13:32
2Лагодніч Шаноўны, яшчэ раз прачытайце свой допіс. Што ж правільна? Якія памылкі росту прабачыць маладой дзяржаве? Што яшчэ не ўсе сядзяць і некаторыя выдаюцца і размаўляюць па-беларуску? Да чаго Вы заклікаеце? Падтрымліваць антыбеларускірэжым і любіць беларускасьць? - гэтак?
0
Валер / Адказаць
24.10.2006 / 18:14
Да хопіць спадзяванак на Эўропу, спадарства! Эўропа аднасілася і адносіцца да нас звышпрагматычна - усе што ей трэба гэта гарантаваная абарона сваіх інвестараў і гэта цудоўна разумеюць і Лукашэнка, і Сідорскі і ўсе астатнія. Калі гэта будзе вырашана (а хутчэй за ўсе гэта гарачанькая зіма паўплывае на хуткасьць зменаў у гэтым накірунку) - класьці гэта вашая Эўропа хацела на палітвязьняў і на перадсьмяротныя канвульсіі паўмертвай беларускай мовы і на нацыянальны заняпад і на русіфікацыю і на правы чалавека.
Каб пакінуць каментар, калі ласка, актывуйце JavaScript у наладах свайго браўзеру