20.10.2010 / 09:45

Лукашэнка Грыбаўскайце: Нам трэба думаць, як забяспечыць сваю незалежнасць 14

І паабяцаў ёй, што выбары пройдуць не горш, чым папярэднія.

І паабяцаў ёй, што выбары пройдуць не горш, чым папярэднія.

«Беларусь імкнецца да таго, каб пасля выбараў ніхто пальцам на нас не паказваў. Дзейнаму прэзідэнту гэта зусім не трэба», — заявіў Аляксандр Лукашэнка на прэс-канферэнцыі па выніках перамоў з прэзідэнтам Літвы Даляй Грыбаўскайце 20 кастрычніка.

Беларусі, падкрэсліў Лукашэнка, неабходна, каб «гэтыя выбары прайшлі не горш чым папярэднія». «Хаця не ведаю, якія прэтэнзіі могуць быць да тых», — дадаў ён. «Наша прамая зацікаўленасць у тым, каб зарэгістравалі ўсіх кандыдатаў», — заявіў прэзідэнт.

Як паведаміла Даля Грыбаўскайце, у ходзе перамоў Аляксандр Лукашэнка паабяцаў ёй, што будуць зарэгістраваныя ўсе кандыдаты, і што на выбарах будуць прысутнічаць назіральнікі.

«Пасля выбараў мы спадзяемся, што Беларусь стане больш адкрытай і будзе абараняць правы чалавека. Літва, як і Еўрасаюз, з надзеяй глядзіць на Беларусь і новыя выбары. Еўропа гатова прызнаць адкрытасць выбараў, калі вы зможаце гэта прадэманстраваць», — сказала прэзідэнт Літвы.

«На працягу 10 гадоў, — адзначыла Грыбаўскайце, — Еўропа нібыта пабудавала кітайскую сцяну паміж сабой і Беларуссю, а яе не павінна быць. Толькі супрацоўніцтва прынясе карысць як Еўропе, так і Беларусі».

Паводле слоў літоўскага прэзідэнта, яе сённяшні візіт сведчыць аб тым, што Літва пачала і ўмацоўвае дыялог з Беларуссю». «Мы не можам штосьці насільна прапаноўваць Беларусі, але мы адкрытыя да дыялогу», — сказала Грыбаўскайце.

У адказ на гэта Лукашэнка адзначыў: «Мы любую дапамогу гатовы прыняць ад літоўскай дзяржавы і прэзідэнта, натуральна, з улікам нашых інтарэсаў».

Беларускі кіраўнік выказаў упэўненасць у тым, што пасля прэзідэнцкіх выбараў інтэнсіфікуюцца адносіны Беларусі як з Літвой, так і з ЕС.

* * *

Аляксандр Лукашэнка прапануе Літве развіваць супрацоўніцтва ў сферы энергетыкі. Кіраўнік дзяржавы адзначыў, што ў Беларусі і Літвы добрыя перспектывы супрацоўніцтва, асабліва ў сферы энергетыкі.

«Мы знаходзімся ў неспрыяльных умовах, і нам трэба думаць аб тым, як забяспечыць сваю незалежнасць», — сказаў беларускі лідар.

Прэзідэнт Беларусі лічыць, што многае можна вырашыць, дамовіўшыся з балтыйскімі краінамі. «Нам хацелася б, каб мы дамовіліся з Літвой. Мы адкрыты для перагавораў», — падкрэсліў кіраўнік беларускай дзяржавы.

Аляксандр Лукашэнка адзначыў, што плануе абмеркаваць са сваёй літоўскай калегай цэлы спектр пытанняў, якія назбіраліся і патрабуюць вырашэння. Што датычыцца палітычнага супрацоўніцтва, то ён мае намер закрануць пытанні ўзаемадзеяння ў рамках еўрапейскай ініцыятывы «Усходняе партнёрства», пачуць меркаванне сваёй калегі, у якім напрамку будзе развівацца гэта супрацоўніцтва або яно «застанецца ў замарожаным стане». «Вы член Еўрасаюза, гэта накладае адбітак на нашу сустрэчу. Думаю, вы парэкамендуеце якія-небудзь напрамкі дзейнасці», — сказаў Аляксандр Лукашэнка, звяртаючыся да Далі Грыбаўскайце.

***

На 12.00 запланаваная сустрэча Грыбаўскайце з Аляксандрам Лукашэнкам. Перамовы прэзідэнтаў пройдуць у вузкім і пашыраным складах. Асноўнай іх тэмай будзе эканоміка.

Беларусь хоча збудаваць тэрмінал для атрымання звадкаванага газу ў Клайпедзе. Акрамя таго, Мінск шукае найтаннейшы і самы надзейны шлях для транзіту венесуэльскай нафты.
Блізкасць цяперашняга кіраўніцтва Украіны з Крамлём стварае патэнцыйныя небяспекі для праекта. Літоўскі кірунак у гэтым сэнсе надзейнейшы. Але з Адэсы ў Беларусь вядзе нафтаправод. Тады як з Клайпеды сыравіну прыйшлося б вазіць чыгункай.

Як мяркуецца, Лукашэнка й Грыбаўскайце абмяркуюць таксама патэнцыял супрацы краін у межах ініцыятывы ЕС «Усходняе партнёрства».

Яркім момантам візіту стане падпісанне гістарычнага пагаднення аб спрошчаным пераходзе мяжы жыхарамі памежжа. З гэтага пагаднення можа пачацца шлях да адмены візаў і свабоднага руху беларускіх грамадзянаў праз мяжу між Ашмяной і Вільняй, якой да Сталіна ніколі ў гісторыі не існавала.

Нагадаем, што Вільня ляжыць бліжэй ад беларускай сталіцы, чым любы з абласных гарадоў Беларусі.

Беларусы і літоўцы злучаныя 500-гадовым вопытам сужыцця ў супольнай дзяржаве, Вялікім Княстве Літоўскім, створаным балтамі і славянамі.

Нягледзячы на значнасць эканамічнага парадку дня, візіт мае і яскравую палітычную афарбоўку. «Прэзідэнты таксама абмяняюцца думкамі па актуальных пытаннях міжнароднага парадку дня», паведаміла прэс-служба Аляксандра Лукашэнкі.

Візіт адбываецца ў часе гарачага канфлікту між Беларуссю і Расіяй і перад прэзідэнцкімі выбарамі, на якіх выклік Лукашэнку кідаюць прарасійскія кандыдаты.

«На фоне беларуска-расійскай інфармацыйнай вайны кіраўнік адной з дзяржаў ЕС прыязджае ў Беларусь і працягвае Беларусі руку.
Гэта можна расцэньваць як той факт, што Еўрасаюз спыніў сваё маўчанне наконт гэтай вайны і ўмешваецца ў яе. Прычым на баку Беларусі», — зазначыў для агенцтва БелаПАН палітолаг Валер Карбалевіч.

Адначасова візіт успрымаецца як падтрымка Аляксандра Лукашэнкі перад прэзідэнцкімі выбарамі. У той жа час

чакаецца, што Грыбаўскайце будзе настойліва заклікаць Беларусь перайсці ад аўтарытарызму да дэмакратыі
і правесці выбары такім чынам, каб краіны ЕС маглі іх прызнаць свабоднымі і справядлівымі. Але сама Грыбаўскайце не мае планаў сустрэчы з прадстаўнікамі грамадзянскай супольнасці Беларусі. Гэтая задача ўскладзеная на чыноўніка ніжэйшага рангу — міністра замежных спраў Літвы Аўдронюса Ажубаліса.

Напярэдадні візіту Міністэрства замежных спраў Літвы паведаміла, што літоўская дэлегацыя мае намер заклікаць беларускі бок «заняць больш адкрытую пазіцыю ў адносінах да Еўропы і праводзіць адпаведныя рэформы».

«Літоўскі бок зверне ўвагу на той факт, што далейшае збліжэнне Беларусі з Еўропай будзе залежаць і ад намаганняў Беларусі ў правядзенні прэзідэнцкіх выбараў у адпаведнасці з міжнароднымі стандартамі», — зазначаецца ў паведамленні МЗС.

Мікола Бугай; БЕЛТА; БелаПАН

0
Нязгодны / Адказаць
20.10.2010 / 10:54
Вот каждый раз, когда читаю бредни Карбалевича, никак не могу понять, почему он считается БЕЛОРУССКИМ аналитиком. Почему БЕЛОРУССКОГО аналитика должна волновать реакция какой-то там Москвы на визит к нам президента не менее важного для БЕЛОРУССКИХ национальных интересов соседнего государства? И зачем это мелкое стравливание двух стран в виде безумного тезиса о якобы "предвыборной" поддержке Лукашенко со стороны Грибаускайте? Едет президент одной страны к соседям решать вопросы взаимовыгодного сотрудничества обеих стран, что в этом плохого? Ведь эти вопросы практического свойства и направлены на решение насущных проблем и белорусов и литовцев. И вообще не понимаю, почему Белапан и НН с маниакальной настойчивостью цитируют этих "аналитиков". По-моему, молодой Гигин при всех нюансах отношения к нему со стороны разных людей просто блестяще уделал этого "аналитика" на в телеэфире TUT.by, когда врезал ему за тезис, где "аналитик" Карбалевич фактически открыто сетовал, что внутриполитические процессы в Беларуси, мол, мало подвержены влиянию извне. В этом месте, кстати, и дискуссию можно было прекращать. Как говорится, "смех в зале", "занавес". Да после такого позора надо тихо заткнуться и заняться какой-нибудь безобидной научной работой, а не мнить себя "аналитиком", толкая совершенно безумные и антибелорусские по своей сути тезисы.
0
Мікола 3 ЭЗ / Адказаць
20.10.2010 / 10:58
Яркім момантам будзе пагадненьне якія хабары драці за дазволы ездзіці туды-сюды і па колькі мяшкоў тавару валачы на машынах і ў баках, таксама па якой цане беларусам прадаваці безплатныя візы ў Шангенскую зону, А так гэта скандальны выпадак падтрымкі аднаго кандыдата на выбарах, тым больш, што эскадрон сьмерці гэтага кандыдата забіў у Беларусі двух літоўскіх дыпляматаў супрацоўнікаж выведкі. Чакаем як Крэмль пакажа відэазапісы забойстваў гэтых літоўскіх дыпляматаў і растрэл Ю.Захаранкі для пані Далі і ўсёй Літвы.
0
Нязгодны / Адказаць
20.10.2010 / 11:09
Мікола 3 ЭЗ напiсаў(ла) Кастрычнiк 20, 2010 у 10:58 "тым больш, што эскадрон сьмерці гэтага кандыдата забіў у Беларусі двух літоўскіх дыпляматаў супрацоўнікаж выведкі." ++++++++++++++++++++++++++++++++++++++++++++++++ "Серьезные" обвинения. Не боитесь ответственности за клевету, информированный вы наш? Хотя впрочем на таких как Вы "анализ" Карбалевича и рассчитан. Либо работаете на пару по "защите" "белорусских" интересов. Ни черта у вас не получится.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру