Грамадскі суд над галерэяй «Ў» — 26 кастрычніка

Галерэя сучаснага мастацтва «Ў» працуе ўжо год. Надышоў час абмеркаваць самыя галоўныя пытанні, якія датычацца яе праектаў.

Абмеркаванне пройдзе ў фармаце «Грамадскага суда».

Галерэю абвінавачваюць у тым, што ўсе праекты неактуальныя і несучасныя. І займаецца яна тым, што нікому не патрэбна.

Суддзя — Віктар Шалкевіч,

сакратар суда — Таццяна Ігнатоўская.

Прадстаўнікі абвінавачвання: Дзмітрый Кароль, Максім Жбанкоў.

Прадстаўнікі абароны: Вольга Шпарага, Ірына Саламаціна, Ілля Прохараў.

У суд прысяжных запрошаныя Валянцін Акудовіч, Адам Глобус, Юрый Іваноў, Артур Клінаў, Яўген Ліпковіч, Уладзімір Парфянок.

Галерэя сучаснага мастацтва «Ў», 26 кастрычніка, пачатак а 16-й гадзіне (Мінск, пр-т Незалежнасці, 37а).

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ