23.10.2010 / 21:26

Беларускі «рабілі» прастытуткамі ў Турцыі, каб cплаціць крэдыты 2

17 жыхарак Гомеля і вобласці прызнаныя пацярпелымі па справе аб гандлі людзьмі.

17 жыхарак Гомеля і вобласці прызнаныя пацярпелымі па справе аб гандлі людзьмі — вывазе для сексуальнай эксплуатацыі ў Турцыю.

Справа па ч. 3 арт. 181 КК і ч. 1, ч. 2 арт. 285 КК накіравана для разгляду ў суд Савецкага раёна Гомеля, паведаміў начальнік аддзела пракуратуры Гомельскай вобласці Дзмітрый Вараб’ёў.

Паводле яго слоў, грамадзянін Турцыі і жанчына, якая часова жыве там, стварылі ў 2006 годзе арганізацыю па дастаўцы грамадзян рэспублік былога Савецкага Саюза ў Турцыю для сексуальнай эксплуатацыі. У Беларусі дзейнічала ячэйка турэцкай арганізацыі. Грамадзяне краіны шукалі і вербавалі суайчынніц для працы ў Турцыі. Ёсць звесткі, што такія ячэйкі былі ў Расіі і Украіне.

Калі завербаваная дзяўчына «адпрацоўвала» ў Турцыі свой тэрмін, ёй прапаноўвалі вярнуцца на радзіму і — за добрую плату — знайсці яшчэ кагосьці для такога заняцця.

Некаторыя дзяўчаты ведалі, што будуць займацца прастытуцыяй, некаторыя — станавіліся ахвярамі падманным шляхам.

«Вярбоўшчыкі выбіралі тых, хто працуе на нізкааплачваемых пасадах, з непаспяховых сем’яў. Былі і замужнія, якія такім чынам спрабавалі вырашыць свае фінансавы праблемы, напрыклад, выплату крэдытаў», — сказаў Вараб’ёў.

Паводле яго слоў, абяцаных вялікіх грошай першы раз не зарабляў ніхто. З заробку за ноч 70–100 долараў прастытутка атрымлівала палову.

Назад дзяўчаты прыязджалі часта без грошай, камусьці ўдавалася прывезці 500–700 долараў.

У праваахоўных органаў з’явілася інфармацыя, што адна з удзельніц групы актыўна займаецца вярбоўкай дзвюх дзяўчат. Пры спробе перасячэння беларуска-ўкраінскай мяжы для вылету ў Турцыю яны былі затрыманы.

Хочаш падзяліцца важнай інфармацыяй ананімна і канфідэнцыйна?

0
Ales' / Адказаць
23.10.2010 / 22:53
Шаноўная рэдакцыя, мо ўсё ж "працавалі" а не «рабілі»?
0
Ананім / Адказаць
24.10.2010 / 21:21
"сексуальнай эксплуатацыі" - хмых... ня дрэнна было б літарку "е" на "э" зьмяніць. ;)
Каб пакінуць каментар, калі ласка, актывуйце JavaScript у наладах свайго браўзеру