06.11.2010 / 14:02

Войскі Нікарагуа ўварваліся ў Коста-Рыку праз памылку Google Maps 4

Кампанія Google апынулася ўцягнута ў чарговы міжнародны скандал, гэтым разам злучаны з сэрвісам Google Maps. Армейскае падраздзяленне Нікарагуа ўварвалася на тэрыторыю Коста-Рыкі, арыентуючыся на памылковыя дадзеныя картаграфічнага сэрвісу інтэрнэт-кампаніі.

Падраздзяленне змяшчалася на невялікай выспе Калеро, якую Google Maps прызнаў тэрыторыяй Нікарагуа, хоць насамрэч яна належыць Коста-Рыке. На выспе вайскоўцы пабудавалі лагер пад сцягам сваёй краіны і высеклі частку лесу.

У Google не выключаюць, што сэрвіс мог выкарыстоўваць састарэлыя дадзеныя. Міністэрства замежных спраў Коста-Рыкі запатрабавала ад карпарацыі неадкладна абнавіць карту. Улады краіны таксама заклікалі насельніцтва не паддавацца на правакацыі вайскоўцаў з Нікарагуа і захоўваць спакой. Зрэшты, іншага выйсця ў Коста-Рыкі няма, улічваючы адсутнасць у краіне рэгулярнага войска.

0
Aleś Jurkaviec / Адказаць
06.11.2010 / 15:11
Лухта нейкая. Як гэта вайскоўцы могуць нейкія дзеянні праводзіць, карыстаючыся картамі "Google Maps"? І што, рашэнне аб дыслакацыі войскаў на нейкіх выспах там прымаецца нейкімі п'янымі прапаршчыкамі? Ці не "качка" гэта звычайная?
0
wint / Адказаць
06.11.2010 / 15:54
Згодзен, навіна напісаная для нейкіх сімпсанаў, якія гатовыя верыць у любую бздуру. Песаціль піша, піпл хавае.
0
Burbalka / Адказаць
06.11.2010 / 16:35
Што за граматычная форма "Коста-Рыке"?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру