Гутарачы 6 лістапада з жыхарамі Магілёва, Аляксандр Лукашэнка параіў ім уважліва прыгледзецца да ўсіх удзельнікаў выбарчай кампаніі. «Ахвотных паруліць шмат, але вы ўважліва іх разглядайце, глядзіце, што яны зрабілі дагэтуль»,
— цытуе прэзідэнта дзяржаўнае агенцтва БелТА.
Лукашэнка прывёў у прыклад заяву аднаго з кандыдатаў у прэзідэнты аб тым, што ў першы год знаходжання ва ўладзе ён мае намер аддаць Расіі трубаправодныя артэрыі, нафтаперапрацоўчыя заводы.
«Калі я гэта чытаю, мне страшна становіцца і крыўдна.
Гэта наш набытак — як яго аддаць?! У каго ты спытаў?» — сказаў кіраўнік дзяржавы.
«Гэта вы павінны правільна ўсё расставіць і вызначыцца, менавіта вы, — падкрэсліў ён, звяртаючыся да суразмоўцаў. — Наша шчасце ў нашых руках. Калі мы разам будзем як адзінае цэлае, будзем бачыць краіну, думаць аб дзецях, мы штосьці зробім. Не будзем — ніводная ўлада нам нічога ў адзіночку не зробіць».
Паводле слоў Лукашэнкі, у краіне «дабіліся чагосьці за гэтыя гады».
«Не трэба гаварыць, што гэта зрабіў Лукашэнка.
Ваша падтрымка выратавала краіну, дзякуючы ёй мы яе стварылі. Галоўнае — цяпер яе не страціць», — падкрэсліў ён.
Прэзідэнт таксама заявіў, што абваліць краіну ўжо нікому не ўдасца. «Нікому не дадзена абваліць Беларусь: ні Расіі, ні Украіне, ні Еўрасаюзу, ні Амерыцы. Мы ўжо не тыя, нас штучна валіць немагчыма, калі мы самі сабе не абвалім», — дадаў ён.
Лукашэнка сцвярджае, што пакуль не думае аб прэзідэнцкіх выбарах.
«Шчыра кажучы, аб выбарах нават не думаю, — сказаў ён. — Але ў Мінску рана ці позна цябе тузануць па выбарах.
Каб абстрагавацца ад гэтага, еду да людзей, у поле, у вёску, каб паразмаўляць з людзьмі.
Таму пакуль я не пакутую ад гэтага перадвыбарнага настрою. Я і чыноўнікам кажу: гэта не мае выбары, гэта вашы выбары: вас жа будуць ацэньваць на месцах».
***
Выбары прэзідэнта Беларусі прызначаны на 19 снежня.
На гэты момант на пасаду кіраўніка дзяржавы, акрамя Аляксандра Лукашэнкі, прэтэндуюць 10 чалавек — намеснік старшыні Партыі БНФ Рыгор Кастусёў, кіраўнік саюза «За мадэрнізацыю» Алесь Міхалевіч, лідар грамадзянскай кампаніі «Гавары праўду!» Уладзімір Някляеў, індывідуальны прадпрымальнік з Віцебска Уладзімір Правальскі, намеснік старшыні Аб’яднанай грамадзянскай партыі Яраслаў Раманчук, сустаршыня аргкамітэта па стварэнні партыі «Беларуская хрысціянская дэмакратыя» Віталь Рымашэўскі, лідар кампаніі «Еўрапейская Беларусь» Андрэй Саннікаў, лідар аргкамітэта па стварэнні Беларускай
Рэгістрацыя кандыдатаў у прэзідэнты пачнецца 14 лістапада.
