11.11.2010 / 17:36

«Кнігазбор» выдаў «Выбраныя творы» Міколы Ермаловіча 3

У мінскім выдавецтве «Кнігазбор» у серыі «Беларускі кнігазбор» выйшлі выбраныя творы лаўрэатаў Дзяржаўнай прэміі Беларусі паэта Васіля Зуёнка і гісторыка Міколы Ермаловіча, паведаміў дырэктар выдавецтва Генадзь Вінярскі.

Паводле яго слоў, у 512-старонкавую ілюстраваную кнігу Зуёнка ўвайшлі паэма «Маўчанне травы», а таксама празаічныя элегіі, эсэ, эцюды і літаратурна-крытычныя артыкулы.

Ва ўступе да выдання літаратуразнаўца Наталля Заяц адзначае, што за амаль паўвека працы ў літаратуры Васіль Зуёнак стварыў свой непаўторны мастацкі свет, па-гаспадарску рупліва збіраючы словы ва ўласную паэтычную сялібу. «Эмацыйны цэнтр яго жыцця знаходзіцца, напэўна, недзе побач з Мачулішчам — на малой радзіме пісьменніка ў Крупскім раёне. Адтуль сілкуецца яго шматфарбная разнастайная праблемная ў тэматычных і жанравых адметнасцях творчасць».

У 640-старонкавую ілюстраваную кнігу Ермаловіча ўвайшлі яго найбольш грунтоўная даследчыцкая праца «Беларуская дзяржава Вялікае княства Літоўскае», а таксама крытычныя, публіцыстычныя, літаратурна-мастацкія творы і эпісталярная спадчына. Прычым, амаль усе творы легендарнага гісторыка і літаратара, забароненага ў савецкія часы, друкуюцца ўпершыню.

Кнігі выйшлі накладам адпаведна ў 1 тыс. і 800 экземпляраў па кошце 20 і 30 тыс. рублёў.

Марат Гаравы, БелаПАН

0
www.Prastora.by / Адказаць
11.11.2010 / 22:30
Набыць кнігу можна тут: http://prastora.by/knihi/iermalovic-mikola-vybranaie
0
spadchynec / Адказаць
12.11.2010 / 16:07
Добра што такая кнігі з'явілася ў паважанай серыі. Што тычыцца першынства выдання некаторых рарытэтных твораў і вершаў Ермаловіча, то тут яўнае перабольшванне. Культурна-асветны клуб "Спадчына" мае неаспрэчны прыарытэт у вяртанні спадчыны Міколы Ермаловіча: http://spadchyna.org/books/book2.html
0
Вінярскі / Адказаць
12.11.2010 / 16:34
Я казаў,што ўпершыню друкуюцца для масавага чытача амаль усе творы ,апрача \"Беларуская дзяржава Вялікае Княства Літоўскае\".Многія матэрыялы ма бралі з кніжак і часопісаў клуба \"Спадчына\".Але гэтыя друкі выдаваліся маленькімі накладам і без ISBN.
Каб пакінуць каментар, калі ласка, актывуйце JavaScript у наладах свайго браўзеру