16.11.2010 / 15:56

БПЦ мае намер кананізаваць новага святога 11

Беларуская праваслаўная царква мае намер кананізаваць святапакутніка Аляксея Магільніцкага – прэсвітэра Лельчыцкага, паведамілі ў Тураўскай епархіі.

Плануецца, што рашэнне будзе прынята на пасяджэнні Святога Сінода БПЦ пад старшынствам Мітрапаліта Мінскага і Слуцкага, Патрыяршага Экзарха ўсёй Беларусі Філарэта 20 лістапада ў Мазыры. Чакаецца, што літургія з чынам кананізацыі будзе здзейсненая 21 лістапада – у прастольнае свята Свята-Міхайлаўскага кафедральнага сабора Мазыра.

Аляксей Магільніцкі ў першай палове XX ст. служыў на тэрыторыі гэтай дыяцэзіі, якая тады называлася Мінскай і Тураўскай, а затым Мазырскай. Ён нарадзіўся ў 1870 г. у Мінску, а ў 1892 г. скончыў Мінскую духоўную семінарыю і праз год у Свята-Духавым кафедральным саборы быў высвячаны ў святара. Яму давялося служыць у розных прыходах, у тым ліку ў Свята-Міхайлаўскім саборы Мазыра, а таксама ў саборы Найсвяцейшай Тройцы ў Лельчыцах.

У 1935 г. улады зачынілі гэты храм і сталі выкарыстоўваць як збожжасховішча.

Аднак святар працягваў здзяйсняць трэбы і нават набажэнствы ў сябе дома, але быў арыштаваны.

Яго пасадзілі ў турму, якая размяшчалася ў згаданым Свята-Міхайлаўскім саборы. У 1937 годзе яму, як і многім іншым, быў вынесены смяротны прысуд, які прывялі ў выкананне прама ў храме.

Магчыма, у найбліжэйшай будучыні БПЦ кананізуе і іншых святароў-новапакутнікаў Тураўскай епархіі, якія пацярпелі ад рэпрэсій.

0
Партызан1 / Адказаць
16.11.2010 / 17:15
А ці ўзгадаюць кананізатары з БЭ РПЦ (у праваслаўным дыптыху (нават у пераліку аўтаномій РПЦ МП) такой назвы - БПЦ няма. Ёсьць аўтаномная ЎПЦ і БЭ РПЦ), што дадзены сьвятар не вызнаў дэклярацыю патрыярха (на той час - мітрапаліта) Сергія 1927 г.? Менавіта праз гэта ён не лічыўся сьвятаром РПЦ МП, а катакомбнае царквы. Чытйце: Стояние в Православии. Священники СССР против сергианства. Париж, 1949 г.
0
навіцкі / Адказаць
16.11.2010 / 21:34
колькі можна перапісваць лухту з дзяржаўнай прапаганды? "царква", "праваслаўная", "беларуская" - чужыя людзі з ААН і тое ведаюць што гэта хлусьня. Шчырае слова, напішаце яшчэ - дашлю Вам у рэдакцыю хаця-б даклад Адрыяна Севярына аб тым, што ніводная зь "беларускіх праваслаўных цэркваў ня могуць дамогчыся афіцыйнай рэгістрацыі" у Беларусі, бо па змове з рэжымам іхняе месца заняў "экзархат РПЦ". Маскоўская акупацыйная сэкта толькі прыкрываецца мянушкаю, каб і надалей сядзець у нашых царквах, касьцёлах і зборах, сядзець дый шчэ гадзіць, псаваць знутры й звонку.
0
Вячак / Адказаць
17.11.2010 / 12:23
Адзінае сапраўднае праваслаўе толькі з БАПЦ!
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру