16.11.2010 / 16:55

Расійскі кінакрытык: «Масакра» — карціна забаўная, але перагружаная 3

Дырэктар праграм Маскоўскага міжнароднага кінафестывалю, прафесар Кірыл Разлогаў лічыць беларускую стужку цікавай.

— «Масакра» — карціна забаўная, зробленая, безумоўна, таленавітымі людзьмі ў рэчышчы досыць характэрнай разнавіднасці жанру фільмаў жахаў, якія ў Беларусі былі прадстаўлены карцінай Валерыя Рубінчыка «Дзікае паляванне караля Стаха», — адзначыў расійскі прафесар. — А яшчэ раней, у 1920-х гг., фільмам Канстанціна Эгерта «Мядзведжае вяселле» па сцэнары Анатоля Луначарскага. У «Масакры» цікавыя акцёрскія працы, вынаходлівая рэжысура. Хоць, безумоўна,

карціна перагружана і не ўва ўсім дацягнута да таго, на што яна магла б прэтэндаваць.

Але ўсё адно, гэта цікавае сведчанне таго, што беларускае кіно жыве і працягвае развівацца ў тым ліку і ў неартадаксальных кірунках. У фільме даволі шмат унутраных алюзій, якія, напэўна, за межамі Беларусі не чытаюцца. І якія, можа быць, для экспарту варта падкрэсліць. Саламяная архітэктура Артура Клінава вельмі добрая. Наогул, выяўленчае рашэнне ў фільме цікавае, жывапісныя працы таксама. Яны ствараюць дух такога напаўаматарскага дылетантызму, які ў дадзеным выпадку наўмысны, я думаю. Таму што калі б гэта было зроблена ў акадэмічным духу, гэта было значна менш цікава.

Фільм беларускага рэжысёра «Масакра» выйшаў сёлета. А на шырокім экране з’явіўся толькі на мінулым тыдні.

КМ

0
Александр / Адказаць
16.11.2010 / 21:56
Помницца мне советский фильм на шедевр Короткевича Дикае паляванне Караля Стаха. Это надо было так извратить атмосферу произведения? Читал с удовольствием, смотрел с отвращением. Большой брат не хотел чтобы белорусы чувствовали свою самобытность, гордились своими писателями.
0
кінік / Адказаць
17.11.2010 / 10:48
І мне так падаецца, што перагружаная, хаця і не глядзеў Проста ведаю традыцыі беларускага кінематографа -- усе пенрагружауць рознай ерундой. А так карціна харошая. Хацелася б таксама пазнаеміцца з меркаваньне Майсея Адамавіча. Ці ён усё ж Абрамавіч?
0
ministrel / Адказаць
18.11.2010 / 10:28
НН, а чаму не пазначылі, што гэта ўрывак з інтэрв'ю Разлогава Волі Чайкоўскай (газета "Звязда")?!!!
Каб пакінуць каментар, калі ласка, актывуйце JavaScript у наладах свайго браўзеру