16.11.2010 / 19:32

«Дзеці павінны быць не проста інваліды, а абавязкова сядзець у інвалідным вазку!» 4

Маці дзіця-інваліда напісала на сайт Мінгарвыканкама пра тое, як іх запрасілі на дзіцячае Еўрабачанне.

Маці дзіця-інваліда напісала на сайт Мінгарвыканкама пра тое, як іх запрасілі на дзіцячае Еўрабачанне.

На сайт Мінгарвыканкама напісала маці дзіця-інваліда. Яна расказала пра тое, як яе дзіця запрасілі ў якасці гледача на дзіцячы конкурс «Еўрабачанне», які 20 лістапада пройдзе ў Мінску. Прыводзім тэкст ліста цалкам.

«У нас дзіця-інвалід па ДЦП. Дык вось, Мінадукацыі такім дзеткам літасціва прапанавала папрысутнічаць на Еўрабачанні. Спачатку на генрэпетыцыі ў 20.00. Калі мы дамовіліся з бабуляй, якая зможа з ім пабыць там (а ўявіце цяжкасці, з якімі туды такому дзіцяці трапіць!), нам патэлефанавалі і ўсё «перайгралі»! Цяпер трэба быць на самым Еўрабачанні і з 18.00 і да канца — далёка за ноч! Але не гэта самае непрыемнае — а тое, што зараз яны вырашылі, што дзеці павінны быць не проста інваліды, а абавязкова сядзець у інвалідным вазку! Гэта значыць тыя, каму «пашчасціла» ў жыцці спрабаваць перасоўвацца самастойна, з мыліцамі, хадунамі і інш. — не могуць ехаць на свята! Ці бачыце, яны вырашылі выставіць такіх дзяцей у калясках паміж шэрагамі — як ніяк ТБ будзе здымаць! А ў нас — уяўляеце — няма інваліднага вазка! Мы, ведаеце, перасоўваемся самі, хай і з цяжкасцю. Нам Еўрабачанне не патрэбна! Зараз! А дзіця зараз сядзіць і плача! Шмат у яго радасці ў жыцці? Дзякуй разумным чыноўнікам за чарговую паказуху! Ад усяго матчынага сэрца — дзякуй!!!»

Варта адзначыць, што адказу ад адміністрацыі Фрунзенскага раёна Мінска, якой жанчына адрасавала свой ліст, яна пакуль не дачакалася. Да «Еўрабачанне» засталося ўсяго нічога.

СП

0
Нетутэйшы / Адказаць
16.11.2010 / 19:44
Пра некаторых чалавечых істотаў, якія займаюць чынавенскія пасады, можна заўважыць хіба тое, што яны ганьбяць нават слоўка "чыноўнік", робяць яго сынонімам слова "пачвара".
0
KLM / Адказаць
17.11.2010 / 01:37
А трэба вось як зрабіць: аформіць на ангельскай мове ліст на імя Еўрапейскага саюза тэлевяшчання (ці хто там арганізуе гэты канцэрт), прадубляваць яго ў буйныя праваабарончыя арганізацыі, ну і беларускім арганізатарам з апісаннем сітуацыі.
0
Навошта адразу так абурацца / Адказаць
17.11.2010 / 18:13
Ну няма у сацыяльна арынтаванай краіне месцаў для дзяцей (у тым ліку інвалідаў) - запрашаным ганаровым міліцыянтам не весь жа час стаяць. Трэба прыходзіць са сваім месцам і са сваім "стулам" (а то яшчэ дзіце у туалет захоча) - будуць ездіць туды-сюды картынку БТ сапсуюць. Прабачце калі каго пакрыўдзіў, тутака не да жартаў
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру