21.11.2010 / 13:23

Папа дапусціў прымальнасць прэзерватываў — у рэдкіх выпадках 24

«Напрыклад, калі прастытуткі выкарыстоўваюць прэзерватывы, гэта можа быць першым крокам да маралізацыі».

Выкарыстанне прэзерватываў з’яўляецца прымальным ў «адмысловых выпадках», — сказаў Бэнэдыкт XVI у сваёй новай кнізе-інтэрв’ю.
 — У якасці прыкладу ён падаў выпадкі, калі, ёсць «рызыка заражэння ВІЧ», напрыклад, пры прастытуцыі. Хоць сцвярджэнне было стрыманым, яго разглядаюць як прарыўнае. Да гэтага часу каталіцкая царква выступала супраць любога выкарыстання кантрацэптываў.

Новую пазіцыю Папа Бэнэдыкт XVI агучыў у інтэрв’ю з нямецкім журналістам Пэтэрам Зэевальдам. Кніга-інтэрв’ю з Папам называецца «Святло свету: Папа, Касцёл і знакі часу». Яна выйдзе 23 лістапада. Фрагменты з размовы былі апублікаваныя ў ватыканскай газеце L’Osservatore Romano.

Кніга-інтэрв’ю з Папам Бенедыктам XVI паўстала на аснове 20-гадзіннай гутаркі. Яе маюць перакласці на 18 моваў.

З пункту гледжання царквы, вядома, кантрацэпцыя — не сапраўднае і не маральнае выйсце, — сказаў папа, але дадаў, што яно можа быць даравальным. «У асобных выпадках, напрыклад, калі прастытуткі выкарыстоўваюць прэзерватывы, гэта можа быць першым крокам у кірунку да маралізацыі, да ўсведамлення сваёй адказнасці».
Ён падкрэсліў, што ў гэтым выпадку выкарыстанне прэзерватываў не мае на мэце «прадухіленне цяжарнасці, але прафілактыку ВІЧ-інфекцыі».

Што да змагання з эпідэміяй СНІДу, то ён падкрэсліў, што праўдзівым выйсцем можа быў толькі гуманізацыя сэксуальнасці.

Да гэтага часу Ватыкан выступаў супраць любога тыпу кантрацэпцыі, аддаючы перавагу сэксуальнаму ўстрыманню. Не дапускаліся ніякія выняткі. Нават тады, калі існавала рызыка перадачы венерычных захворванняў.

За такую радыкальную пазіцыю Папу і касцёл крытыкавалі медыкі, асабліва ў Афрыцы.

Спосабам барацьбы з эпідэміяй не можа быць «распаўсюджванне прэзерватываў, якія могуць толькі павялічыць праблемы», — казаў Папа ў часе свайго афрыканскага візіту.

Тым не менш, некаторыя афрыканскія біскупы, перад абліччам эпідэміі, дазвалялі сваім вернікам ужываць прэзерватывы.

Сяргей Гезгала

0
2гэта ж трэба! / Адказаць
21.11.2010 / 13:55
Колькі адсоткаў праваслаўных выконваюць калядны пост? Але гэта ім і ня трэба каб называцца праваслаўнымі, гэта толькі "каталіцкі дурдом неадэкватна дзейнічае не зважаюючы на рэальнасьць". Калі праваслаўныя прыкрываюцца фігавым лістком "артадоксіі", то менавіта католікі шчыра выкрываюць недахопы ў сваім асяродку і шукаюць адпаведны адказ новым выклікам сучаснага свету.
0
беларуска / Адказаць
21.11.2010 / 14:40
гэта проста смешана манахі вучаць як займацца сексам, шлюбу і інш. хай са сваімі ксядзамі разбяруцца,
0
А при контактах с детьми? / Адказаць
21.11.2010 / 15:10
Интересно
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру