26.11.2010 / 17:22

Беларусы з 2011 г. змогуць карыстацца бясплатным Інтэрнэтам у маршрутках 3

Першыя маршруткі з'явяцца ў Мінску ўжо ў гэтым студзені.

Пра гэта паведаміў дырэктар аўтацэнтра Ford «Атлант-М Баравая» Сяргей Елістратаў.

Праект падключэння маршрутак да высакахуткаснага Інтэрнэту знаходзіцца на апошняй стадыі распрацоўкі. Зараз аўтамабільная кампанія вывучае прапановы некалькіх мабільных аператараў. «Канчатковае рашэнне аб удзеле ў праекце таго ці іншага аператара будзе прымацца з улікам яго гатоўнасці прадаставіць сертыфікаванае абсталяванне ў самыя кароткія тэрміны», — сказаў дырэктар, адзначыўшы, што праект выклікаў вялікую цікавасць з боку вядучых гульцоў рынку сотавай сувязі.

Нягледзячы на тое, што рашэнне браць або не браць плату за інтэрнэт-доступ з пасажыраў, будзе прымаць кожны перавозчык асобна, аўтадылеры Ford і сотавым аператарам будуць створаны ўмовы, пры якіх канчатковым карыстальнікам можна будзе прапанаваць гэтую паслугу дарма.

«Нам хацелася б, каб пасажыры маглі карыстацца новымі тэхналогіямі бясплатна або за мінімальную плату»,

— растлумачыў Сяргей Елістратаў.

Што немалаважна, пасажыры маршрутак, якія захочуць падключыцца да высакахуткаснага Інтэрнэту, не павінны будуць праходзіць ідэнтыфікацыю, як гэта цяпер адбываецца ў інтэрнэт-кавярнях. Рэч у тым, што маршрутка не можа разглядацца як пункт калектыўнага карыстання, які абавязаны ажыццяўляць ідэнтыфікацыю інтэрнэт-карыстальнікаў, асабліва калі перавозчык не бярэ плату за карыстанне паслугай доступу да сеціва.

Сістэма будзе рэалізавана на аснове тэхналогіі 3G. «Мабільныя аператары працуюць над пабудовай схемы, пры якой пасажыры будуць атрымліваць максімальна стабільны і хуткасны доступ у Інтэрнет у транспарце, — адзначыў суразмоўца. — Пры гэтым праект мае на ўвазе апрабацыю новай тэхналагічнай мадэлі, адрознай ад той, да якой маюць доступ карыстальнікі мабільнай сувязі» .

Першыя «інтэрнэт-таксі» павінны з’явіцца і пачаць працу ў тэставым рэжыме ўжо ў студзені 2011 года.

Плануецца, што першыя такія маршруткі з’явяцца ў Мінску, Віцебску, а таксама на міжгародніх маршрутах. «Доступ да тэхналагічных рашэннях і сумесным праекце Ford і аднаго з сотавых аператараў сувязі атрымаюць толькі тыя перавозчыкі, якія захоўваюць стандарты бяспекі перавозкі пасажыраў», — удакладніў Сяргей Елістратаў.

0
aleks_nesterow / Адказаць
26.11.2010 / 19:23
О госспадзі, якая ганьба. Маршруткі - гэта перажытак пост-саветчыны. Прапагандуйце лепш ровары, замяняйце маршруткі на чалавецкі транспарт, куды можна зайсці і сесці, а не перагінацца, бы содзіш рэдзьку, без гэтых во' "передайте, пожалуйста". Мабільны інтэрнэт у тых, каму трэба, і так ужо ёсць.
0
dzjadulja / Адказаць
27.11.2010 / 03:19
«пасажыры маршрутак, якія захочуць падключыцца да высакахуткаснага Інтэрнэту, не павінны будуць праходзіць ідэнтыфікацыю, як гэта цяпер адбываецца ў інтэрнэт-кавярнях» ---> Гм... Дык што, цяпер проста пры ўваходу ў маршрутку будуць перапісваць пашпарты ўва ЎСІХ у абавязковым парадку, незалежна ад намеру скарыстацца доступам да Сеціва? ;-)
0
Паўлюк / Адказаць
28.11.2010 / 18:19
Не ведаю, чаму калектыўнае карыстанне інтэрнэтам у маршрутцы не будзе падпадаць пад тэрмін "пункт калектыўнага карыстання" у разменні указу № 60 і ўрадавых пастаноў, прынятых у яго развіццё.
Каб пакінуць каментар, калі ласка, актывуйце JavaScript у наладах свайго браўзеру