У Беларусі створаны завод, які сам у стане вырабляць унікальныя касмічныя апараты, паведаміў Аляксандр Лукашэнка на IV Усебеларускім народным сходзе.
«Але нават не гэта галоўнае, — сказаў ён. — Касмічныя праграмы стымулявалі развіццё цэлага пласта запатрабаваных у свеце тэхналогій, якія ўжо ў некалькі разоў кампенсавалі ўкладзеныя сродкі».
Паводле слоў Лукашэнкі, у найбліжэйшыя пяць гадоў касмічныя тэхналогіі прыйдуць у паўсядзённы ўжытак камерцыйных і кіраўніцкіх рашэнняў прадпрыемстваў у сельскай, лясной, воднай гаспадарцы, меліярацыі і іншых.
«У гэтым сектары ёсць добры экспартны патэнцыял», — лічыць прэзідэнт. Ёе дадаў, што на работы, якія ажыццяўляюцца сумесна з расіянамі ў касмічнай галіне, маецца «вялікі попыт». «Тое прадпрыемства, якое працуе ў гэтым сектары, у тым ліку і на абарону, мае заказаў на ўсю наступную пяцігодку», — зазначыў Лукашэнка.
0
0
0
0
0
0
