4 лістапада ў Музэі гісторыі беларускага кіно распачалася праграма «Дракула Брэма Стокера ў кінематографе ХХ стагодзьдзя». Праграма ладзіцца ў межах рубрыкі «Панарама жанравага кіно» – і прысьвечаная аднаму з самых знакамітых кінапэрсанажаў. У лістападаўскія суботы пакажуць сем клясычных фільмаў кінадракуліяны.
Гледачы ўжо пазнаёміліся зь шэдэўрам-нямком Фрыдрыха Вільгельма Мурнаў «Насфэрату, сымфонія жаху» і стужкаю Тода Браўнінга «Дракула» 1931 году з Бэлам Лугошы.
11 лістапада адбудзецца паказ малавядомых у нас карцінаў «Дачка Дракулы» Ламбэрта Хільера і «Сын Дракулы» Робэрта Сьёдмака. 18 лістапада плянуецца нямецкі фільм Вэрнэра Гэрцага «Насфэрату, сымфонія начы» 1979 году. А на 25-га прызначаныя «Дракула Брэма Стокера» Фрэнсіса Форда Копалы й пародыя Мэла Брукса «Дракула мёртвы й задаволены». Дзьве апошнія стужкі часам дэманстраваліся па тэлевізіі.
Музэй беларускага кіно зьбіраецца й надалей знаёміць гледачоў з сусьветнай клясыкай аўтарскага – і жанравага кіно.
11 лістапада сэансы а 14.00, 15.30, 18.00, 19.30.
18-га – 14.00 і 18.00.
25-га – 14.00, 16.30, 18.00.
Адрас музэю: Менск, Плошча Незалежнасьці, вул.Сьвярдлова, 4.
Тэлефон для даведак: 227-10-75.