Аўтары штомесячнай праграмы CNN Go, якая не так даўно з'явілася на тэлеканале CNN, склалі Топ-10 найлепшых месцаў для сустрэчы Калядаў і Новага года. У кампаніі з Лонданам, Нью-Ёркам і Ганконгам ў рэйтынгу нечакана апынулася і беларуская вёска Пагост.
Больш за тое, нікому не вядомая вёска займае ў хіт-парадзе трэці радок.
«Імаверна, што замежным турыстам будзе цяжка трапіць у Беларусь, аднак недаступнасць краіны
кампенсуецца шакуючымі каляднымі традыцыямі,
— з такога сцверджання пачынае прадстаўляць нашу краіну аўтар рэйтынгу Ціфані Лэн і працягвае: «Уся сутнасць беларускай святочнай пары заключана ў Калядах — народным абрадзе, які пачаўся з паганскага свята, а пазней быў сумешчаны з хрысціянскімм Калядамі ды Новым годам.
У такіх вёсках як Пагост падчас Калядаў бабулі п'юць гарэлку проста з пляшак,
а моладзь забаўляе ўсіх народнымі гульнямі. Мясцовыя жыхары пераапранаюцца жывёламі, а таксама насаджваюць галовы звяроў на палкі, каб пайсці калядаваць па суседніх вёсках».
На жаль, аўтар CNNGo не ўдакладняе, у якой менавіта вёсцы Пагост бабулі аддаюць перавагу піць на марозе гарэлку з рыльца.
Гэты здымак зрабіў фотакарэспандэнт Віктар Драчоў, суправадзіўшы яго подпісам «Каляды. За 180 км ад Мінска». Прыкладна на такой адлегласці ад сталіцы размешчана вёска Пагост, што пад Магілёвам.
Таксама населеныя пункты з такой назвай ёсць у Віцебскай, Гомельскай, Мінскай абласцях – усяго ў Беларусі шэсць вёсак з назвай Пагост.
Беларускі Пагост
Бостан
Лондан
Сан-Хуан
Ганконг
Нью-Ёрк-Сіці
Сідней
Зальцбург
Нюрнберг
Рэйк'явік
***
10. Бостан (ЗША)
9. Лондан (Брытанія)
8. Сан-Хуан (Пуэрта-Рыка)
7. Ганконг (Кітай)
6. Нью-Ёрк (ЗША)
5. Сіднэй (Аўстралія)
4. Зальцбург (Аўстрыя)
3. Пагост (Беларусь)
2. Нюрнберг (Няммечына).
Самым жа святочным і адначасова самым «зімовым» напрамкам для сустрэчы Калядаў і Новага года, па версіі CCNGo, прызнаны Рэйк'явік.
Калі чарговы ісландскі вулкан не ўнясе свае карэктывы ў планы турыстаў, то паездка на самы вялікі вулканічны востраў сапраўды можа апынуцца чароўнай. Падчас зімовых святаў у Ісландыі камандуюць парадам адразу 13 Санта-Клаўсаў, а дакладней - «калядных юнакоў", якія па чарзе цягам двух тыдняў перад Калядамі прыносяць падарункі юным і дарослым ісландцамі.
Заадно ў Ісландыі можна зазірнуць у парк Тынгвелір, дзе сыходзяцца еўразійская і амерыканская тэктанічныя пліты і нават наведзены сімвалічны масток паміж Еўропай і Амерыкай, або ў мястэчка Стоксейры, дзе знаходзіцца «Цэнтр ісландскіх цудаў», прысвечаны тролям, эльфам і паўночнага ззяння.