12.12.2010 / 16:41

Акцыя 19 снежня будзе выключна мірнай 14

Дэмакратычныя кандыдаты каментуюць страшылкі Макея.

Дэмакратычныя кандыдаты каментуюць страшылкі Макея.

Акцыя 19 снежня будзе выключна мірнай — так пракаментавалі апазіцыйныя кандыдаты ў прэзідэнты заяву кіраўніка Адміністрацыі прэзідэнта Беларусі Уладзіміра Макея.

Вечарам 11 снежня ў эфіры тэлеканала «РТР-Беларусь» Макей паведаміў пра падрыхтоўку правакацый у дзень выбараў. Паводле яго слоў, апазіцыйныя кандыдаты ў прэзідэнты рыхтуюць 19 снежня на Кастрычніцкай плошчы Мінска правакацыі з ужываннем выбуховых рэчываў. «Ужо вядома, што яны не збіраюцца мірным чынам праводзіць гэта мерапрыемства. Рыхтуюцца групы баевікоў, закупляюцца цёплыя рэчы, піратэхнічныя і нават выбуховыя рэчывы», — заявіў Макей.

Паводле яго слоў, «апазіцыйныя кандыдаты адназначна нацэльваюць людзей, нацэльваюць сваіх прыхільнікаў на правакацыі, на стварэнне „карцінкі“ для заходняга тэлебачання, каб потым сказаць: вось, бачыце, якая яна ўлада — жорсткая, як яна жорстка абыходзіцца са сваімі выбаршчыкамі».

«Думаю, ва ўлады досыць сіл і сродкаў, каб адрэагаваць спакойна і годна на падобнага кшталту сітуацыю», — дадаў Макей.

Падобныя заявы кандыдат у прэзідэнты Мікалай Статкевіч расцэньвае як «спробу запалохаць людзей». Паводле меркавання палітыка, такія заявы сведчаць пра слабасць улады.

«Гэта чарговая спроба запалохаць людзей.

У 2006 годзе тагачасны кіраўнік КДБ Сцяпан Сухарэнка запалохваў людзей нейкімі дохлымі пацукамі, якіх мы так і не ўбачылі. Цяпер Макей палохае людзей баевікамі і зброяй», — сказаў Статкевіч.

Паводле меркавання кандыдата, калі

б улады былі ўпэўненыя ў сваёй перамозе на выбарах, яны не рабілі б такіх заяў.

Падобныя заявы Статкевіч расцэньвае як гарантыю таго, што акцыя 19 снежня на Кастрычніцкай плошчы пройдзе мірна. «Яны не будуць ужываць сілу. Інакш усё тое, што яны гаварылі, перакладзецца на іх», — лічыць палітык.

Уладзімір Някляеў, у сваю чаргу, заявіў:

«Калі сёння хтосьці рыхтуе тэракт, то хіба што ўлада. Сама рыхтуе, сама папярэджвае — чытай, пагражае.

А кандыдатам ад апазіцыі ёсць чым заняцца: імгненне агітацыі ў нашай краіне кароткае і ўсе імкнуцца атрымаць ад яго максімальны эфект. У тым ліку — расказаць пра тое, што выхад на плошчу будзе насіць выключна мірны характар».

Нагадаем, 9 снежня Генпракуратура Беларусі вынесла афіцыйныя папярэджанні пяцярым кандыдатам у прэзідэнты за заклікі да выбаршчыкаў прыйсці на Кастрычніцкую плошчу 19 снежня. Папярэджанні атрымалі Мікалай Статкевіч, Віталь Рымашэўскі, Уладзімір Някляеў, Яраслаў Раманчук і Андрэй Саннікаў.

10 снежня Генпракуратура заклікала грамадзян не паддавацца на правакацыйныя заклікі. «Генеральная пракуратура заклікае грамадзян, прыхільнікаў альтэрнатыўных кандыдатаў у прэзідэнты, незалежна ад палітычных поглядаў і перакананняў не паддавацца на яўныя правакацыйныя заклікі і парушаць заканадаўства, не рызыкаваць сабой і іншымі асобамі», — заявіў начальнік упраўлення па наглядзе за выкананнем заканадаўства і законнасці прававых актаў Генпракуратуры Павел Радзівонаў.

0
НАЦДЭМ / Адказаць
12.12.2010 / 16:45
Паводле меркавання кандыдата, калі б улады былі ўпэўненыя ў сваёй перамозе на выбарах, яны не рабілі б такіх заяў. ===== Так і ё. Калі яны баяцца навічкоў, то прафэсіяналы забяруць у іх усе козыры.
0
НАЦДЭМ / Адказаць
12.12.2010 / 16:48
«Генеральная пракуратура заклікае грамадзян, прыхільнікаў альтэрнатыўных кандыдатаў у прэзідэнты, незалежна ад палітычных поглядаў і перакананняў не паддавацца на яўныя правакацыйныя заклікі і парушаць заканадаўства, не рызыкаваць сабой і іншымі асобамі» === Гэтым самым яны скрыта выказваюць салідарнасьць, ці прынамсі спачуваньні. Тут яны нікога не перасьцерагаюць.
0
Николай, Бостан / Адказаць
12.12.2010 / 17:59
Известный американский астролог Билл Смитт сообщил свой прогноз о развитии событий 19 декабря в Минске. «С 13 по 19 декабря Луна будет растущей. Будет нарастать напряжение в Беларуси. Люди будут подавлены. Хороший период для активной деятельности, покупок для дома, общения и посещения театра. 19 декабря Луна будет двигаться по знаку Близнецов. Астрологи рекомендуют собираться вместе, встречаться, быть общительными и любознательными. После 17.00 по минскому времени 19 декабря наступит очень сложный период. Возможно ухудшение самочувствия у многих людей. С наступлением темноты бесконечный людской поток заполнит центр Минска. Люди будут стоять на площади до полного лунного затмения (21 декабря). Людей будет в 4 раза больше, чем было в марте 2006 года. Это связано с редким явлением полного лунного затмения, которое происходит в момент полнолуния, которое само по себе является одной из критических точек лунного месяца. Древние славяне зимнее солнцестояние называли солнцеворотом, так как с этого момента солнце ”поворачивает” на прибыль дня. “Солнце – на лето, зима – на мороз”. И, конечно, эта дата имела и прикладное значение в те времена, т. к. служила точкой отсчета для занятия жизненно важными делами как в рамках отдельной семьи, так и общества в целом. Затмение усилит напряжение этого момента. Время лунного затмения может быть использовано для достижения целей противоборствующих стороны. В ситуацию смогут вмешать внешние силы. Возможно участие других государств для разрешения ситуации. Что касается судьбы Александра Лукашенко и итогов выборов в Беларуси, то результат еще не очевиден. Все будет решаться в центре Минска в период с 19 по 22 декабря. Возможный два пути – останется Лукашенко и над Минском будут много лет тучи и депрессия. Звезды не несут для него позитива. Второй сценарий – приход к власти оппозиции. Он пока представляется загадочным. Среди этих людей есть еще более черные силы, чем Лукашенко, а есть чистые силы. Пока звезды расположены в сторону чистых сил оппозиции».
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру