21.12.2010 / 12:26

Пяцёра кандыдатаў знаходзяцца ў СІЗА КДБ («амерыканцы») 10

Гэта Някляеў, Саннікаў, Рымашэўскі, Статкевіч і Міхалевіч. У «амерыканцы» таксама сядзяць Дзмітрыеў, Халіп, Фядута, Севярынец, Радзіна

Экс-кандыдаты ў прэзідэнты Беларусі, затрыманыя ўвечары 19 снежня ў час масавай акцыі ў Мінску, знаходзяцца ў следчым ізалятары Камітэта дзяржбяспекі. Аб гэтым іх сваякам паведамілі 20 сьнежня прадстаўнікі КДБ.

У СІЗА КДБ знаходзяцца Уладзімір Някляеў, Андрэй Саннікаў, Віталь Рымашэўскі, Мікалай Статкевіч і Алесь Міхалевіч. Пасля акцыі туды ж былі дастаўленыя Рыгор Кастусёў і Дзмітрый Ус, але іх адпусцілі 20 снежня.

У СІЗА КДБ таксама знаходзяцца жонка Саннікава журналістка Ірына Халіп, давераная асоба Някляева Аляксандр Фядута, кіраўнік штаба Рымашэўскага Павел Севярынец, рэдактар сайта «Хартыя’97» Наталля Радзіна.

У КДБ сітуацыю з затрыманымі не каментуюць.

Нагадаем, уначы 20 снежня ў эфіры тэлеканала АНТ генеральны пракурор Беларусі Рыгор Васілевіч заявіў, што следства вызначыць адказнасць кожнага вінаватага ў беспарадках у Менску, і ў залежнасці ад гэтага будзе вырашацца пытанне аб прыцягненні іх да адказнасці.

У сваю чаргу міністр унутраных спраў Анатоль Куляшоў паведаміў аб завядзенні ў дачыненні арганізатараў несанкцыянаванай акцыі справы па артыкуле 293 Крымінальнага кодэкса (масавыя беспарадкі). Яе максімальная санкцыя — 15 гадоў пазбаўлення волі.

0
Mfront / Адказаць
21.12.2010 / 13:10
Намесьніца старшыні МФ Наста Палажанка таксама ў амэрыканцы. :(
0
Не жадаю / Адказаць
21.12.2010 / 15:18
Известно ли что-нибудь про Дмитриева? Он тоже в кгб?
0
andrei / Адказаць
21.12.2010 / 15:37
mmm. neponimaju pochemu mihalevicha posadili. ego je tam vrode i ne bylo.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру