21.12.2010 / 15:13

Прадстаўнікі дэмсіл патрабуюць пакараць тых, хто ўжыў рэпрэсіі 1

Прадстаўнікі дэмакратычных сіл Беларусі заяўляюць аб салідарнасці з арыштаванымі ўдзельнікамі акцыі 19 снежня і патрабуюць прыцягнуць да адказнасці асоб, якія дапусцілі рэпрэсіі.

Пра гэта гаворыцца ў сумеснай заяве лідараў палітычных партый і грамадскіх аб’яднанняў.

Заява падпісана 21 снежня ў Мінску пасля сумеснай прэс-канферэнцыі прадстаўнікоў апазіцыі. Подпісы пад дакументам паставілі экс-кандыдат у прэзідэнты ад Партыі БНФ Рыгор Кастусёў, лідар руху «За Свабоду» Аляксандр Мілінкевіч, старшыня мінскай арганізацыі Партыі БНФ Віктар Івашкевіч, намеснік старшыні Аб`яднанай грамадзянскай партыі Леў Марголін, лідар аргкамітэта па стварэнні руху салідарнасці «Разам!» Вячаслаў Сіўчык і лідар Партыі БНФ Аляксей Янукевіч.

Заяву таксама мае намер падпісаць лідар Беларускай партыі левых «Справядлівы свет» Сяргей Калякін, які не змог прысутнічаць па стане здароўя, паведаміў журналістам Віктар Івашкевіч.

У заяве падкрэсліваецца: мірны пратэст грамадзян супраць «грубых фальсіфікацый вынікаў выбараў прэзідэнта» з`яўляецца іх неад`емным правам, а «неадэкватнае выкарыстанне ўладамі грубай сілы супраць мірных дэманстрантаў — злачынствам».

«Ніякія правакацыі ў выглядзе разбітых дзвярэй не могуць апраўдаць жорсткае збіванне і арышты тысяч людзей», — упэўнены падпісанты.

Яны выказваюць салідарнасць з арыштаванымі кандыдатамі ў прэзідэнты Алесем Міхалевічам, Уладзімірам Някляевым, Віталем Рымашэўскім, Андрэем Саннікавым, Мікалаем Статкевічам і патрабуюць іх неадкладнага вызвалення, а таксама вызвалення ўсіх удзельнікаў мірнай акцыі.

«Мы настойваем на справядлівым і аб`ектыўным расследаванні ўсіх акалічнасцяў, устанаўленні і прыцягненні да адказнасці асоб, якія спланавалі і ажыццявілі шырокамаштабныя рэпрэсіі 19 снежня, і патрабуем пакарання службовых асоб, якія дапусцілі несувымернае прымяненне сілы ў дачыненні да грамадзян Рэспублікі Беларусь», — падкрэсліваюць прадстаўнікі дэмакратычных сіл.

У гэты час экс-кандыдаты ў прэзідэнты Уладзімір Някляеў, Андрэй Саннікаў, Віталь Рымашэўскі, Мікалай Статкевіч і Алесь Міхалевіч знаходзяцца ў следчым ізалятары КДБ.

У дачыненні да арганізатараў несанкцыянаванай акцыі распачата справа на падставе артыкула 293 Крымінальнага кодэкса (масавыя беспарадкі). Палітыкам пагражае да 15 гадоў пазбаўлення волі.

0
Tytaishyi / Адказаць
21.12.2010 / 16:42
Все напоминает сценарий 2006 года и такое впечатление что ничего не поменялось в подходах. Первое - наивное ожидание чуда при наличии убедительных фактов что будут и кровавое воскресение и провокации. И да все было. Второе - понятно было,что произойдет и действия властей были предсказуемы на 100%. Вопрос зачем шли? Показать миру что ага у нас тут диктатор и все нячэсна? Только ради этого? Выплеснуть эмоции от несправедливости? Ну и что - выплеснули? И дальше что? Как это повлияет на нашу жизнь? Третье - борьба. Борьба за свои права бесконечна и не оканчивается и не начинается выборами. Демонстрации в условиях авторитарности не являеются методом политической борьбы а являются выплеском эмоций. Эмоциями не победишь. Нужны незаметные герои и гибкие долгосрочные лидерыужно быть невинными как голуби и мудрыми как змей.Нужно быть прагматичными и добиваться небольших побед и расшатывать режим изнутри - расшатать железный ржавый каркас и заменить его на гибкую конструкцию из современных материалов. Для этого нужно упорство, знания, опыт, мудрость, приверженность и прагматизм. Время наивных идеалистов прошло и нам нужны прагматики. Четвертое - нам не на кого надеятся - только на себя. Никто не скажет нам как нам это сделать и никто не поможет. У всех -свои интересы. Не соглашайтесь на выполнение чьих то грантов или на участие в тренингах которые не соотвествуют нашим интересам. Смело и аргументированно разговаривайте с донорами. Мы - грамотные люди и у нас свой путь к свободе. Он не такой как в Польше и не такой как в Чехии и не такой как в Грузии и не такой как в Киргизии и не такой как на Украине. Давайте уважать себя. Тутэйшый.
Каб пакінуць каментар, калі ласка, актывуйце JavaScript у наладах свайго браўзеру