15.11.2006 / 13:51

Беларусы размаўляюць больш за расейцаў, украінцаў і чэхаў разам ўзятых 2

Беларускі GSM апэратар МТС упершыню ад пары выхаду на рынак апублікаваў поўныя дадзеныя фінансавых паказьнікаў кампаніі. Сярэднія выплаты кожнага абанэнта штомесяц складалі ў першых 3-х кварталах 2006 г. 9,9 даляраў.

Беларускі GSM апэратар МТС упершыню ад пары выхаду на рынак апублікаваў поўныя дадзеныя фінансавых паказьнікаў кампаніі. Сярэднія выплаты кожнага абанэнта штомесяц складалі ў першых 3-х кварталах 2006 г. 9,9 даляраў (11 даляраў у 2005).

Такім чынам, у Беларусі сярэдні абанэнт МТС плаціць на 40% больш штомесяц, чым расійскі, і на 30% болей, чым украінскі (у параўнаньні з украінскай дачкой МТС – UMC). Пры гэтым хвілін у месяц нашы МТСаўцы выгаворваюць болей, чым сярэдні расеец, украінец і чэх, разам ўзятыя, – ажно 423 хвіліны (128 – Расія, 152 – Украіна, 100 – Чэхія) – і ў два разы болей, чым сярэдні карыстальнік мабільнай сувязі ў сьвеце (200 хв). З такім імпэтам Беларусь можа з часам дасягнуць рэкорду паўднёва-усходняй Азіі, дзе людзі ў сярэднім 800 хвілін (блізу 13 гадзін!) штомесяц прысьвячаюць тэлефонным размовам.

Самае ж цікавае нават ня ў тым, што беларусы больш трацяць у абсалютных лічбах і больш размаўляюць, а ў тым, што ў нас на мабільную сувязь ідзе 3,5% сярэдняга заробку (гл. табліцу), што значна больш чым у Расеі і Заходняй Эўропе – 1,9–2%. (Для падрахаваньня былі прынятыя лічбы, дадзеныя расейскай агенцыяй «Сотовик», паводле якой сярэднія выплаты абанэнтаў усіх мабільных сетак у Беларусі складаюць каля 9 даляраў штомесяц).

Хочаш падзяліцца важнай інфармацыяй ананімна і канфідэнцыйна?

0
Helios / Адказаць
15.11.2006 / 22:31
"Уласьці деньгі патрэбны з вашых налогау"
0
project_belarus / Адказаць
17.11.2006 / 19:42
Спадарства, нас цешыць, што наш блог чытаюць журналісты НН... Але пры перадруку вы згубілі ўсе спасылкі на першакрыніцы, якія былі ў нашай нататцы - на гадавыя справаздачы МТС, О2, на артыкулы пра стан эканомікі ў Нямеччыне і Чэхіі і інш. Такім чынам, інфармацыя згубіла палову сваёй каштоўнасьці, бо яе няможна пераправерыць.
Каб пакінуць каментар, калі ласка, актывуйце JavaScript у наладах свайго браўзеру