15.11.2006 / 14:21

Беспрацоўны мэханік – мэрам Беластоку? 2

«Уся Польшча і паў-Амэрыкі ведае, хто такі Канановіч, – радуецца кандыдат у мэры Беластоку спадар Кшыштаф Канановіч. – Нават сам «Тэлеэкспрэс» запрасіў мяне ў Варшаву».

«Уся Польшча і паў-Амэрыкі ведае, хто такі Канановіч, – радуецца кандыдат у мэры Беластоку спадар Кшыштаф Канановіч. – Нават сам «Тэлеэкспрэс» запрасіў мяне ў Варшаву».

Яшчэ ніводзін кандыдат не выклікаў у Польшчы такога зацікаўленьня, як ён. Людзі шукаюць ягоныя выступы ў Інтэрнэце, а журналісты займаюць чаргу перад ягоным домам на вул.Школьнай. Паводле прафэсіі – мэханік, шаснаццаць год беспрацоўны, Канановіч на працягу некалькіх дзён пасьпеў даць сотні інтрэвію і папазіраваць для тысячы здымкаў. На інтэрнэт-аўкцыёне «Allegro» ягоны швэдар варты ўжо каля 200 злотых.

Усё пачалося тыдзень таму, калі ў Інтэрнэце зьявіўся ягоны рэклямны спот. Апрануты ў характэрны турэцкі швэдар, 43-гадовы кандыдат няўмела пэзэнтуе свае пастуляты. Нягледзячы на тое, што ня здольны свабодна выказвацца і яму часта бракуе словаў, ён з поўнай рашучасьцю спрабуе схіліць да сябе выбаршчыкаў. На пасадзе мэра ён хацеў бы, між іншым, «ліквідаваць алькаголь, цыгарэты і наркотыкі для моладзі, адкрыць прадпрыемствы, каб не было крадзяжоў, каб не было нічога». Гэты кліп стаўся гітом – яго прагледзелі звыш 2,5 млн разоў.

«Канановіч – ужо ікона поп-культуры. Моладзь па ім шалее. Па хуткім часе зьявяцца гэджэты зь ягонай выявай – кашулі і кубкі», – распавёў уладальнік адной з інтэрнэт-старонак.

Аднак самога кандыдата – хоць ён і жыве вельмі бедна на пэнсію мамы – вядомасьць і грошы не цікавяць. Ён хоча кіраваць, бо, як сьцьвярджае, мае веды.

Дактары пасьля прагляду выбарчага кліпу Канановіча не выключаюць, што кандыдат на мэра Беластоку можа мець праблемы з псыхікай.

«Нельга выяўляць інфармацыю, што датычыць здароўя пацыента, – кажа псыхіятарка Веслава Галомбэк. – Аднак я магу сьмела сказаць, што і той чалавек, які падгаварыў яго выстаўляць сваю кандыдатуру, мае нейкі псыхічны разлад».

У выніку за Канановіча прагаласавала каля 1,700 чалавек (1,8%). Яго контракандыдаты не чакалі такога добрага выніку і абвінавацілі ў гэтым мэдыя. Як сьцьвярджае прафэсар Анджэй Садоўскі, сацыёляг з Унівэрсытэту Беластоку, за Канановіча ў асноўным галасавалі маладыя карыстальнікі Інтэрнэту.

«Тут справа ня ў нейкім пратэсьце, а ў хэпэнінгу моладзі. У пэўным сэнсе гэта палітычны жарт, гумар, створаны праз Інтэрнэт», – сьцьвердзіў ён.

Хочаш падзяліцца важнай інфармацыяй ананімна і канфідэнцыйна?

0
Rat King / Адказаць
16.11.2006 / 15:31
Вось дагуляюцца палякі і атрымаюць сабе яшчэ горшага за Лукашэнку... Думаю гэты пьяндос будзе на першых кроках таксама з карупцыяй змагацца...
0
Radykal / Адказаць
16.11.2006 / 17:48
Я ледзь у порткі не надзюрыў, слухаючы перадвыбарчы кліп сп. Канановіча. http://kononowicz.pl/polityka-wybory/3 Тое што ён па-польску гаворыць не раўнуючы як Лукашэнка па-расейску, гэта адно. Але-ж і што гаворыць! Чаго вартыя хаця-б абяцанкі "Адкрыць фабрыкі для моладзі й для людзей" альбо "Удасканаліць у нашым цэлым горадзе й на цэлым Падляшшы, каб не было бандытызму, зладзейства, каб нічога не было" ці "Тое, што я сказаў, я ведаю, як гэта ўчыніць, бо я веру ў Бога й хаджу да мшы і ведаю, якім спосабам гэта зрабіць, гэта зрэалізаваць, як палепшыць дарогі, як ўсё, як зьліквідаваць папяросы, як усё зьліквідаваць" Ах, дзе нашыя маладыя гады, дзе незабыўны 1994?
Каб пакінуць каментар, калі ласка, актывуйце JavaScript у наладах свайго браўзеру