КДБ шукае адважных, якія вывесілі на будынку КДБ бел-чырвона-белы сцяг + відэа эпізода са сцягам, знятае аператарам НН 19

Паводле звестак праваабаронцаў, па падзеях 19 снежня заведзена яшчэ адна крымінальная справа — за знявагу дзяржаўных сімвалаў. Пакуль па гэтай справе няма падазраваных.

Зараз супрацоўнікі міліцыі актыўна шукаюць фота і відэадакументы, на якіх зафіксавана, хто падчас шэсця па праспекце Незалежнасці замяніў на будынку КДБ дзяржаўны сцяг на бел-чырвона-белы, паведамляе праваабарончы сайт Spring96.

Гэта арт 370 (знявага дзяржаўных сімвалаў) караецца грамадскімі працамі ці штрафам, ці выпраўленчымі працамі на тэрмін да двух гадоў, ці арыштам да трох месяцаў, ці абмежаваннем волі на тэрмін да аднаго года.

Нагадаем, што ператрусы з гэтай нагоды прыйшлі ў офісе «Нашай Нівы» і ПЭН-цэнтра, а таксама ў фотакарэспандэнта Юліі Дарашкевіч і відэааператара Таццяны Гаўрыльчык. Кагэбісты меркавалі, што ў кампутарах рэпарцёраў захаваліся запісы гэтага моманту, якія не трапілі ў адкрыты доступ. Між тым відэазапіс моманту быў цалкам выстаўлены ў інтэрнэт яшчэ 20 снежня.

МБ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ