01.01.2011 / 18:31

Нават у навагоднім звароце Лукашэнка падзяліў беларусаў на меншасць і большасць 35

«У гэтыя хвіліны адыходзячага года я перш за ўсё хацеў бы звярнуцца да абсалютнай большасці беларускага народа», — так распачаўся зварот.

«Дарагія сябры! У гэтыя хвіліны адыходзячага года я перш за ўсё хацеў бы звярнуцца да абсалютнай большасці беларускага народа», — так распачаўся сёлетні навагодні зварот Аляксандра Лукашэнкі.
Гэта рэдкі выпадак у гісторыі тэлезваротаў, каб прэзідэнт так адкрыта дзяліў грамадзянаў на «сваіх» і «чужых». Відаць, Лукашэнка разумее, што пасля падзей 19 снежня вялізная колькасць людзей канчаткова перастала лічыць яго законным кіраўніком дзяржавы.

Напярэдадні Новага года ў інтэрнэце разышліся звароты пераключыць тэлебачанне на іншыя каналы ў часе лукашэнкаўскага звароту і нават выключыць на гэты час святло.

Лукашэнка ж нават навагодні тэлезварот выкарыстаў, каб убіваць у галовы ідэю, што супраць яго выступае толькі меншасць насельніцтва. Вось што ён казаў далей:

«Свае віншаванні я таксама адрасую нашай меншасці.
Вы павінны ведаць: вас успрымаю як неад’емную частку нашага грамадства, са сваімі мэтамі, поглядамі і імкненнямі. Вы маеце свой пункт гледжання, асаблівае разуменне светаўладкавання і развіцця нашай краіны. Гэта ваша права, якое адняць у вас ніхто не можа.

Але вы павінны ведаць: ваша меркаванне нам не абыякава. І мы разам з пераважнай большасцю нашага народа будзем змагацца за вас, вашы погляды. Мы будзем шукаць шляхі да вашых розумаў і сэрцаў, таму што інакш немагчыма аб’яднаць грамадства, захаваць краіну і вырашыць задачы, якія стаяць перад намі».

У гэты ж час у эфіры радыё «Свабода» вядомыя людзі Беларусі і розных краін свету цэлы навагодні вечар зачытвалі імёны арыштаваных і збітых у Беларусі ў 2010-м.

«Нам неабходна пераламаць у саміх сябе правінцыяльны комплекс маленькага народа і ўсвядоміць сябе нацыяй, якая вырашае не толькі свае задачы, але і фарміруе аблічча Еўропы!» — заклікаў Лукашэнка.

Ягоны зварот быў нашмат карацейшы за звыклыя.

«Няхай любоў і дабрабыт жывуць у кожнай сям’і», — пажадаў ён.

З тэлеэкрана гучалі пафасныя словы, тым часам у рэальным жыцці працягвалася помста палітычным праціўнікам, ды нават іх жонкам, дзяўчатам.

85-гадовага бацьку Мікалая Статкевіча ў Баранавічах глядзяць баранавіцкія актывісты нацыянальнага руху.

Але як дзеду і бабе растлумачыць 3-гадоваму сыну Ірыны Халіп і Андрэя Саннікава, чаму таты і мамы няма нават на Новы год?

Барыс Тумар

0
Нацыяналіст / Адказаць
01.01.2011 / 18:37
Толькі празь беларускую культуру ён зможа зрабіць беларускую нацыю моцнай. Але ён ня зможа.
0
Belarusskaya Baba / Адказаць
01.01.2011 / 18:37
а тем временем в венесуэлле по примеру беларуси.... Американская администрация ответила на отказ президента Венесуэлы Уго Чавеса пускать в свою страну посла США. Вашингтон аннулировал дипломату из Каракаса Бернардо Альваресу американскую визу. В четверг руководство США приняло решение отказать венесуэльскому послу во въезде на территорию страны. В результате дипломатическая виза Бернардо Альвареса была аннулирована. Об этом рассказал представитель американского правительства. "Мы сожалеем о решении венесуэльского правительства отозвать агреман (согласие принять предложенного кандидата в качестве посла) у Ларри Палмера. Поскольку в наших отношениях существует напряженность, мы считаем правильным поддерживать дипломатические контакты на высоком уровне. Это в наших национальных интересах", – заявил официальный представитель Госдепартамента США Марк Тонер. По этой теме Чавес решил судьбу нового посла США Чавес получил неограниченную власть Чавес предложил проверить психику Клинтон Культовая запрещенная игра В то же время он отказался комментировать возможное ухудшение дипломатических отношений между двумя странами. Как сообщает ИТАР-ТАСС, новый скандал произошел из-за очередного выпада президента Венесуэлы Уго Чавеса, который заявил, что не собирается пускать в страну нового американского посла Ларри Палмера. При этом его не пугают даже вероятные последствия такого решения - разрыв Вашингтоном дипломатических отношений с Каракасом. "Мы отказались признать этого джентльмена (Палмера), и теперь правительство США грозит ответными мерами. Что ж, они могут делать все, что захотят, но этот человек не приедет (в Венесуэлу). Если правительство (США) хочет выгнать нашего посла, пусть сделает это! Если они хотят разорвать дипломатические отношения, пусть сделают это", – сообщил глава Венесуэлы накануне в эфире одного из государственных телеканалов. Как передает РИА Новости, ранее Чавес уже не один раз заявлял, что не намерен разрешать Палмеру въезд на территорию Венесуэлы. По его словам, такое решение он принял после неоднократных заявлений этого дипломата о том, что на политику и настроения в этой стране в последнее время очень сильно влияет Куба.
0
Алесь / Адказаць
01.01.2011 / 18:37
Хтосьці склаў не кепскую прамову для вусатага. Шкада толькі, што яна, як заўсёды, не будзе мець нічога агульнага з сапраўдными мэтамі і дзеяннямі.
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру