01.01.2011 / 20:30

У Сібіры ўзарваўся самалёт. На борце была ў тым ліку група «На-На» 3

Прынамсі, тры чалавекі загінулі, 31 абгарэў пры ўзгаранні самалёта ў Сургуце (Заходняя Сібір) 1 студзеня.
Падчас запуску рухавікоў, калі паветранае судна знаходзілася на магістральнай дарожцы, пачаўся пажар. Яго прычыны застаюцца няяснымі. Не выключаецца версія тэракта.

На борце было 116 пасажыраў і восем членаў экіпажа.

Відэарэпартаж з месца трагедыі размешчаны на сайце тэлекампаніі СургутИнформТВ.

Гэтым рэйсам ляцела таксама расейская поп-група«На-На».

Па словах саліста групы Сяргея Грыгор’ева, людзі выбіраліся з падпаленай машыны ў паніцы, літаральна па галовах. «Я сядзеў у хвасце самалёта і адным з першых убачыў пажар. Усё вакол заіскрыліся, паваліў чорны густы дым, у людзей пачалася паніка, яны вылазілі проста па галовах. У мяне перад вачыма ўсё жыццё пранеслася, я да гэтага часу не магу апамятацца», — распавёў Грыгор’еў. Па яго словах, «людзі вакол сцвярджаюць, што ў самалёце засталіся дзеці».

Удзельнікі групы паведамілі, што пажар распаўсюдзіўся вельмі хутка. «Самалёт разваліўся на дзве часткі і згарэў на нашых вачах за 10 хвілін».

0
серж / Адказаць
02.01.2011 / 13:07
не "група", а ГУРТ!
0
Гуўняж / Адказаць
02.01.2011 / 23:43
Кампутары са слоўнікамі пазабіралі.... а рэдакцыя сама ня ведае мовы :)
0
Ваза / Адказаць
25.01.2011 / 16:01
"Група" таксама можна ўжываць.Есць такое паняцце як сінонім,акадэмікі)
Каб пакінуць каментар, калі ласка, актывуйце JavaScript у наладах свайго браўзеру