Праваабарончаму цэнтру «Вясна» паведамілі, што другім грамадзянінам Расійскай Федэрацыі, які знаходзіцца ў статусе падазраванага па крымінальнай справе аб масавых беспарадках, з’яўляецца Арцём Брэус.

Па атрыманых звестках, Арцём быў вызвалены 29 снежня разам з іншымі расійскімі грамадзянамі, але праз паўгадзіны быў зноў затрыманы як падазраваны па крымінальнай справе. Арцём спачатку ўтрымліваўся ў ізалятары на Акрэсціна, але зараз ягоным знаёмым паведамілі, что там яго няма. Не выключана, што ён пераведзены ў СІЗА на вул. Валадарскага, як і Іван Гапонаў — грамадзянін Расіі, які таксама праходзіць па гэтай справе ў якасці падазраванага.

Хочаш падзяліцца важнай інфармацыяй ананімна і канфідэнцыйна?