Сёньня а палове восьмай раніцы на пульт МНС у Шуміліне паступіў сыгнал: гараць хаты ў вёсцы Скаціца. Тэлефанавалі з Казьянаў, ад якіх да Скаціцы каля пяці кілямэтраў. Справа ў тым, што ў самой Скаціцы выклікаць пажарных няма каму.
Гэтая вёска вымірае. Сталых жыхароў у ёй не засталося. Зь дзясятак хат выкарыстоўваюцца пад лецішчы. Калі выратавальнікі прыехалі, палалі дзьве хаты, ад адной да другой мэтраў дзьвесьце адлегласьці. Пажар удалося пагасіць раней, чым агонь перакінуўся на суседнія пабудовы. Калі б ня пільнасьць жыхаркі Казьянаў, якая патэлефанавала ў 01, зьнелюдзелая вёска магла б выгарэць дазваньня.
Відаць па ўсім, прычынай пажару быў падпал. Каму і навошта спатрэбілася падпальваць пакінутую вёску, належыць высьветліць сьледзтву.
Фота photo.bymedia.net