Было гэта ў Буда-Кашалёве (Гомельская вобласць).
Як паведамілі ў прэс-службе УУС Гомельскага аблвыканкама, 53-гадовы мужчына па папярэдняй змове з неўстаноўленай асобай у 2001 годзе вырабіў фальшывы дыплом аб атрыманні вышэйшай адукацыі ў Цюменскім дзяржаўным універсітэце па спецыяльнасці юрыспрудэнцыя. Восенню 2001 года мужчына прадставіў падробку ў Гомельскую абласную калегію адвакатаў і быў узяты на працу, атрымаўшы пасля ў Міністэрстве юстыцыі Беларусі ліцэнзію на ажыццяўленне адвакацкай дзейнасці.
У сувязі з заканчэннем тэрміну даўніны ў распачынанні крымінальнай справы за падробку дакументаў было адмоўлена.
Мужчына пакуль працягвае займаць пасаду загадчыка юркансультацыі,
дыплом канфіскаваны міліцыяй.
Алена Германовіч, БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
