...існаваў рух калекцыянэраў подпісаў за вылучэньне кандыдатам у прэзыдэнты.
— Іванавіч, ты што! Памяняць адзін подпіс за Скрабца на 25000 за Лукашэнку?! Лукашэнкаўскіх усюды да халеры, а скрабцоўскія — супэррарытэт!!!
❏
...словы Канаплёва аб тым, што рэзалюцыі ПАСЭ замінаюць беларусам спакойна працаваць, былі праўдай.
— Чаму ты не лупцуеш свайго гадкага пупсіка? Урэшце, за што я плачу табе грошы?
— Прабачце, кліент. Пасьля тых рэзалюцый у Страсбургу рукі апускаюцца.
❏
...чатыры кандыдаты ў прэзыдэнты былі б чатырма мушкецёрамі.
— Я гатовая атруціць Канстанцыю, монсэньёр. Абы толькі мне не перашкодзіў кляты гасконец.
— Гэта лёгка вырашаецца. Бяром газэту, чытаем. «Рабочы графік д’Артаньяна»: панядзелак — дуэль, аўторак — карчма, серада — прэс-канфэрэнцыя, чацьвер — у Лёндан за падвескамі. То бок чацьвер — ідэальны дзень.