07.01.2011 / 19:30

Алег Корбан: Лісты Лукашэнку не пісаў, інтэрв’ю БТ не даваў 22

7 студзеня з «амерыканкі» выйшлі кіраўнікі мінскай суполкі АГП Алег Корбан і Анатоль Паўлаў.

7 студзеня з «амерыканкі» выйшлі кіраўнікі мінскай суполкі Аб'яднанай грамадзянскай партыі Алег Корбан і Анатоль Паўлаў. Корбан узначальваў штаб Яраслава Раманчука па Мінску.

«Наша Ніва»: Алег, на падставе чаго Вас вызвалілі?

Алег Корбан: Выпусцілі на ўмовах падпіскі аб нявыездзе і неразгалошвання таямніцы следства. Я зразумеў, што на такіх самых умовах, як Рымашэўскага і Дзмітрыева. Забаранілі нават каментаваць умовы ўтрымання, якія цяжка назваць здавальняючымі. Днём выклікалі, сказалі, каб збіраўся. Чаму вызваляюць, не паведамілі.

«НН»: Можа таксама пісалі ліст на імя Лукашэнкі?

АК: Не, не пісаў. І нават ніхто не праапаноўваў. На БТ таксама інтэрв’ю не даваў. Я ўдзельнічаў у дачы паказанняў некалькі разоў. На пытанні, што тычыцца мяне адмаўляўся адказваць. Праходзіў допыт на паліграфе, што ніякага дачынення да біцця вокнаў я не маю. Следчы паводзіў сябе больш-менш спакойна, ніякіх наездаў на мяне не было.

«НН»: А як Вас затрымалі?

АК: Пасля сканчэння Плошчы. У раёне Нямігі. Мы ўжо спускаліся ў метро, калі на нас ззаду накінуліся людзі ў форме. Спачатку даставілі ў пастарунак, а ўжо потым — у «амерыканку».

«НН»: Можа бачылі ў турме яшчэ каго з арыштаваных?

АК: Не. Там такая сістэма, што ты нікога не бачыш. Нават калі вядуць на допыт, то згінаюць уніз. Бачыш толькі вартаўнікоў і людзей, што праводзяць допыт.

«НН»: Лісты даходзілі?

АК: Не. Дарэчы, і тыя, што дасылаў я, таксама не дайшлі да адрасатаў. Тэлевізар быў у камеры, але працаваў толькі 20 снежня. На наступны дзень ужо не.

«НН»: Бачылі заяву Яраслава Раманчука?

АК: Так. Лічу, гэта ягонай асабістай справай. Можа і ў нас у партыі нехта яе падзяляе. Але я на баку Анатоля Лябедзькі, пазіцыя якога больш жорсткая. Лічу, што заяву рабіць не варта было.

«НН»: А пра Лябедзьку што-небудзь ведаеце?

АК: У турме ходзяць чуткі, што ён і Статкевіч па-ранейшаму працягваюць галадоўку.

«НН»: У якім Вы зараз статусе знаходзіцеся?

АК: Абвінавачанага.

Гутарыў Зміцер Панкавец

0
ліля / Адказаць
07.01.2011 / 19:39
калі сапраўды так, то малайчына. рада што ты на волі. Малюся за вас усіх
0
katechizis / Адказаць
07.01.2011 / 19:45
Слава Героям!
0
Кот / Адказаць
07.01.2011 / 20:12
Справа ў тым, што калi гэтая банда наладзiла правакацыю i потым крывавы разгон, напэўна яны не чакалi, што гэтак усё высьвецiцца. Таму паскуднiчкi далi каманду вышукваць хоць кагосьцi з апазiцыйнага асяродку, хто мог тыя лапаты, якiя гэб`ё само i прынесьла, ненарокам падабраць. Але не атрымлiваецца. Сваi толькi падабралi i засьвяцiлiся. Як i не атрымлiваецца скляпаць "дело", хоць i хапаюць усiх падрад, правяраюць на палiграфах ды па вiдэа праганяюць. Яны настолькi абасралiся з гэтай правакацыяй, што хай бы i ўсю Беларусь у турму пасадзiлi ды тлумачэньнi ўзялi - не адмылiся бы.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру