07.01.2011 / 20:27

Крыніцы ў ЕС: Мартынаў тэрмінова вылятае ў Брусэль 45

Гэта ініцыятыва беларускага боку, Эштан гатовая яго прыняць.

Гэта ініцыятыва беларускага боку, Эштан гатовая яго прыняць.

Міністр замежных спраў Беларусі Сяргей Мартынаў прыбудзе на наступным тыдні ў Брусэль, дзе ён хоча сустрэцца з кіраўніком дыпламатыі ЕС Эштан — пра гэта даведалася ў пятніцу з дыпламатычных крыніцаў у Брусэлі агенцтва ПАП.

«Мартынаў, напэўна, прыедзе ў Брусэль», — заявіла агенцтву крыніца ў Еўракамісіі. Са словаў дыпламатаў, візіт адбываецца з ініцыятывы беларускага боку. Мартынава мае прыняць кіраўніца дыпламатыі ЕС Кэтрын Эштан і, магчыма, таксама камісар ЕС па пытаннях пашырэння і палітыкі суседства Штэфан Фюле.

Фюле, кажуць, ужо меў з Мартынавым тэлефонную размову на гэтым тыдні.

Мінск яўна занепакоены намерам ЕС аднавіць візавыя санкцыі супраць рэжыму ў Мінску, а таксама, магчыма, увесці санкцыі эканамічныя. Такую рэакцыю выклікалі выбары 19 снежня і тая фантасмагорыя, што адбылася пасля іх.

Была зрэжысіравана грубая правакацыя. Кандыдатаў ад апазіцыі збілі і арыштавалі, да 700 чалавек было затрымана. Дзясяткі прыхільнікаў апазіцыі былі звольнены з працы. Усё гэта суправаджалася бруднай прапагандысцкай кампаніяй у гёбельсаўскім духу ў дзяржаўных СМІ.

Усё гэта выклікала бурную рэакцыю грамадзянскай супольнасці Еўропы, якая патрабуе ад урадаў неадкладных захадаў па абароне правоў чалавека ў краіне, што мяжуе з трыма дзяржавамі ЕС.

Мікола Бугай

0
Ян Прыгожы / Адказаць
07.01.2011 / 20:34
Няхай з'ездзіць, пазычыўшы ў сабакі вачэй. А хіба сам Мартынаў выязны?
0
Кот / Адказаць
07.01.2011 / 20:40
Фюле гэта чалавек Масквы. Мартынаў жа ё саўдзельнiчкам . Прадстаўнiкi гэтага рэжыму не павiнны разглядацца ЕС як законныя прадстаўнiкi беларускага народу i беларускага Ураду.
0
2 Ян Прыгожы / Адказаць
07.01.2011 / 20:44
Ага, дзiўна, шо саўдзельнiчак робiць у Брусэлi.
Паказаць усе каментары/ 45 /
Каб пакінуць каментар, калі ласка, актывуйце JavaScript у наладах свайго браўзеру