12.01.2011 / 16:46

У Арменіі знойдзеная найстарэйшая ў свеце вінакурня 1

Навукоўцы знайшлі ў Арменіі найстаражытнейшую вінакурню, узрост якой складае каля 6 тыс. гадоў. Раскопкі праходзілі ў пахавальных пячорах каля вёскі Арэніі ў вобласці Ваяц Дзор на мяжы з Іранам.

У пячорах археолагі знайшлі аскепкі чана на 50–55 літраў для расцірання вінаграду. На месцы раскопак таксама знойдзеныя вінаградныя костачкі, лісце і жамерыны з ягад. Правёўшы аналіз чарапкоў, даследчыкі з Арменіі, ЗША і Ірландыі выявілі рэшткі пігменту мальдывін, які надае вінаграду і віну ярка-чырвоны колер. Старажытныя вінаградары выкарыстоўвалі мясцовы гатунак, які і дагэтуль ідзе на выраб віна.

Да гэтага самы старажытны вінаробны прэс знайшлі на Крыце — яго ўзрост складае 5 тыс. гадоў. А самыя старыя рэшткі віна ўзростам 7,4 тыс. гадоў знойдзеныя на чарапках гаршчкоў ў іранскіх гарах Заргас.

0
Анатоль Сідарэвіч / Адказаць
13.01.2011 / 00:10
Помню, як аднойчы Алесь Пісьмянкоў (выдатны хлопец, валадарства яму нябеснае) аднойчы імправізаваў. З тае паэтычнае імправізацыі запомніўся радок: Будзем піць віно. Гэты радок я згадаў, чытаючы пра вінаробства ў старажытнай Арменіі, на Крыце і на тэрыторыі сучаснага Ірану. Нас не будзе, а нехта зноў прамовіць: Будзем піць віно!
Каб пакінуць каментар, калі ласка, актывуйце JavaScript у наладах свайго браўзеру