Каб унесці яснасць у пытанне бясплатнай выдачы нацыянальных віз, супрацоўнікі консульства Польшчы правялі 14 студзеня прэс-канферэнцыю.
Каб унесці яснасць у пытанне бясплатнай выдачы нацыянальных віз, супрацоўнікі консульства Польшчы правялі 14 студзеня прэс-канферэнцыю.
Такім чынам, на бясплатныя нацыянальныя польскія візы могуць разлічваць грамадзяне Беларусі, якія плануюць знаходзіцца на тэрыторыі суседняй дзяржавы больш за 90 дзён на працягу паўгода і здольныя гэта дакументальна пацвердзіць. У гэтую катэгорыю трапляюць беларусы, якія
вучацца ў польскіх навучальных установах, выязджаюць з мэтай працаўладкавання або маюць так званую «Карту паляка».
— Паколькі турыстычныя паездкі складаюць, як правіла, менш 90 дзён, у гэтым выпадку будзе,
як і раней, выдавацца аднаразовая шэнгенская віза коштам 60 еўра,
— растлумачыў консул-дарадца, першы сакратар амбасады Польшчы ў Беларусі Павел Марчук. Ён падкрэсліў, што на дадзены момант толькі ў мінскім консульстве Рэспублікі Польшча маюць акрэдытацыю 82 турыстычныя фірмы. Нагадаем, што раней Польская турыстычная палата прапаноўвала ўвесці сістэму электронных ваўчараў, закліканых паскорыць тэрміны разгляду выдачы шэнгенскіх віз. Адказваючы на пытанне з нагоды гэтай прапановы, консул-дарадца нагадаў, што тэрмін разгляду заявы аб выдачы візы складае да 15 дзён і
ні пры якіх умовах не можа быць скарочаны.
Такім чынам, для большасці беларусаў новаўвядзенні Польскага МЗС не маюць ніякага практычнага значэння.
Дарэчы, сам консул-дарадца таксама заўважыў, што адмена платы за польскія нацыянальныя візы ніяк не паўплывала на колькасць пададзеных зваротаў. Гэтае ўвядзенне можна ацаніць хутчэй як палітычны крок.