17.01.2011 / 22:01

Калякін пастаўлены на «прафілактычны ўлік» у КДБ 4

Старшыня Беларускай партыі левых «Справядлівы свет» Сяргей Калякін пастаўлены на прафілактычны ўлік у КДБ, паведаміў сайт Аб’яднаных дэмакратычных сіл (udf.by).

17 студзеня палітыка азнаёмілі з пастановай аб пастаноўцы на ўлік у адпаведнасці з законам «Аб асновах дзейнасці па прафілактыцы правапарушэнняў».

Калякіну заявілі, што ў яго дзеяннях праглядаецца пагроза інтарэсам нацыянальнай бяспекі краіны і што яны могуць прывесці да злачынстваў супраць Беларусі, дыскрэдытацыі рэспублікі і яе ўлады. Шкоду інтарэсам нацыянальнай бяспекі, на думку КДБ, наносіць, у прыватнасці, выніковая справаздача кампаніі «За справядлівыя выбары» (Калякін быў адным з яе каардынатараў), а таксама інтэрв’ю палітыка і іншыя яго выступленні ў прэсе.

«Гэта, безумоўна, спроба аказаць уціск на мяне таму, што я маю свае перакананні, свае погляды на тое, што адбываецца ў краіне, — заявіў Калякін. — Згодна з Канстытуцыяй Рэспублікі Беларусь я маю права выказваць гэтыя перакананні, адстойваць іх, выказваць меркаванні і заўвагі па пытаннях дзейнасці дзяржаўных органаў і пра тое, што адбываецца ў рэспубліцы. Такая форма ўздзеяння скіраваная на тое, каб я адмовіўся ад сваіх перакананняў або ад сваёй палітычнай дзейнасці».

Пастаноўка на ўлік не павінна пацягнуць ушчамлення грамадзянскіх правоў, зазначыў Калякін. У законе ўказана, што не парушаецца тайна перапіскі, свабода перамяшчэнняў і выбару месца жыхарства, аднак толькі ў тым выпадку, калі гэта не агаворана іншымі заканадаўчымі актамі.

«Я думаю, што могуць быць прынятыя іншыя абмежавальныя меры ў дачыненні да мяне», — выказаў меркаванне палітык. Зараз ён кансультуецца з юрыстамі аб магчымасці аспрэчыць пастанову.

0
Кнехт / Адказаць
17.01.2011 / 23:08
Калякіну заявілі, што ў яго дзеяннях праглядаецца пагроза інтарэсам нацыянальнай бяспекі краіны і што яны могуць прывесці да злачынстваў супраць Беларусі, дыскрэдытацыі рэспублікі і яе ўлады. ================= А падтасоўка вынікаў галасавання на выбарах прэзідэнта - гэта толькі на карысць нацыянальным інтарэсам і нісколькі не дыскрэдытуе Беларусь і яе ўлады?
0
Гуўняж / Адказаць
18.01.2011 / 00:19
Маю надзею, што разм з Лукою лясьне і камітэт дзяржынскага... з прыцягненьнем супрацоўнікаў да адказнасьці за дзеяньні што дыскрыдеціравалі Беларусь ва ўсім сьвеце... Гэты закон трэба будзе пакінуць на нейкі час,Ю пакуль з усімі не разьбяруцца... Іх законамі па іх жа срацы...
0
Scooter / Адказаць
18.01.2011 / 02:14
Калякін жа выступаў з помніка Леніну на Плошчы 19га... А ў канцы сказаў "Жыве Беларусь!" Дзіўна, што яго за гэта ні пасадзілі, ні арыштавалі і нават ні правялі ператрусы і допыты, як гэта зрабілі з іншымі, а "ўсяго толькі" ўзялі на ўлік... Ні хочуць сварыцца з Зюганавым?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру