«Лад», 22.25
«Дзённая прыгажуня».
Францыя–Італія, 1967, рэж. Луіс Бунюэль
Сюррэалістычная драма паводле рамана Джозэфа Кесэля.
Увечары Севярына – клапатлівая і верная жонка, а ўдзень – высокааплатная прастытутка «Дзённая прыгажуня»...
Эпатажнік і сюррэаліст Луіс Бунюэль паставіў саркастычную й зьдзеклівую карціну, дзе распуста й цнота мяняюцца месцамі, гаспадыня публічнага дому вядзе сябе, як першая настаўніца ў школе, а сны немагчыма адрозьніць ад прыкрых рэалій. Севярына – творца пікантнага й трывожнага насланьня – і ахвяра ўласных комплексаў...
Катрын Дэнёў – ідэальная ў ролі галоўнае гераіні – распуснай і безграхоўнай адначасова. А Мішэль Пікалі й Жан Сарэль вядуць бездакорныя партыі.
Галоўны прыз Вэнэцыянскага кінафэсту.
«Дзённая прыгажуня» – правераная часам клясыка кінэматографу.
