21.01.2011 / 15:36

«СБ» цытуе НІСЭПД, не называючы лічбы галасоў за Лукашэнку 16

«Па дадзеных інстытута, за А. Лукашэнку прагаласавала большая палова ўсіх апытаных».

«Па дадзеных інстытута, за А. Лукашэнку прагаласавала большая палова ўсіх апытаных».

У апошнім нумары «Советской Белоруссии» рэдакцыйны артыкул прысвечаны апытанню Незалежнага інстытута сацыяльна-эканамічных і палітычных даследаванняў наконт вынікаў прэзідэнцкіх выбараў. Артыкул называецца «НІСЭПД: упэўненая і адназначная перамога». «Незалежны інстытут сацыяльна-эканамічных і палітычных даследаванняў (Вільнюс), якім кіруе праф. Алег Манаеў, распаўсюдзіў зробленыя інстытутам вынікі нацыянальнага апытання. Па дадзеных інстытута, за А. Лукашэнку прагаласавала большая палова ўсіх апытаных, ягоныя супернікі атрымалі нязначную ў параўнанні з А. Лукашэнкам колькасць галасоў (У. Някляеў – 8,3%, А. Саннікаў – 6,1%)», – гаворыцца ў артыкуле (звяртае на сябе ўвагу словазлучэнне «большая палова» – nn.by). – «НІСЭПД прыйшоў да высновы, што А. Лукашэнка зноў з каласальным адрывам ад сапернікаў выйграў прэзідэнцкія выбары (што прадказвалі ўсе апытанні сацыёлагаў) і гэта не падлягае ніякаму сумневу».

Напрыканцы артыкула чытачоў запэўніваюць у праўдзівасці звестак інстытута: «Усім вядома, што НІСЭПД з'яўляецца недзяржаўнай даследчай арганізацыяй і неаднаразова заяўляў аб сваёй неангажаванасці. Больш за тое, НІСЭПД функцыянуе зусім не на сродкі беларускага дзяржбюджэту, а за кошт атрыманых грантаў. Можна смела сцвярджаць, што НІСЭПД ніколі не быў заўважаны ў схаваных сімпатыях да сённяшняй беларускай улады, таму, апублікаваўшы вынікі свайго апытання, НІСЭПД нанёс сакрушальны ўдар па ганебных спробах фальсіфікатараў вынікаў выбараў».

Пікантнасць заключаецца ў тым, што паводле апытання НІСЭПД за Лукашэнку прагаласаваў 51% выбаршчыкаў. Паводле ж агучаных Цэнтрвыбаркамам дадзеных, за Лукашэнку прагаласавалі 79,65%. У сітуацыі, калі і хочацца і колецца, аўтар рэдакцыйнага артыкула выкарыстаў прыём, апісаны ў савецкім анекдоце: Газета «Правда» піша пра вынікі спаборніцтваў па бегу паміж Леанідам Брэжневым і Рональдам Рэйганам. «Генеральны сакратар КПСС прыбег другім, а прэзідэнт ЗША – перадапошнім».

Сямён Печанко

0
Кот / Адказаць
21.01.2011 / 15:49
Што адныя лiчбы хлусьлiвыя, што другiя.
0
Грэх не скарыстацца... / Адказаць
21.01.2011 / 15:56
Ленін такіх называў "полезные ідіоты".
0
amateur / Адказаць
21.01.2011 / 16:03
А на сайце Deutse Welle, Манаеў увогуле кажа, што за Лукашэнку прагаласавала 58% і што максімальная колькасць патыцыйных прыхільнікаў апазіцыі у Беларусі 30% і што гэтая лічба нязменна ўжо цягам колькіта гадоў... Мне падаецца, што неяк цікава сп. Манаеў падлічвае. Не Ярмошына, канешне, але, але...занадта пытанняў застаецца :)
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру