Рашэнне прынята з улікам рэкамендацый Еўрасаюза з мэтай «садзейнічаць чалавечым кантактам і ўмацаванню грамадскіх і дэмакратычных інстытутаў».
Ужо з 24 студзеня беларусам пры афармленні доўгатэрміновай візы не давядзецца плаціць за гэта дзяржаўную пошліну.
З заклікам аблегчыць візавы рэжым для грамадзян Беларусі да МЗС Латвіі звярнулася 19 студзеня камісія па замежных справах латвійскага сейма. Адначасова парламентарыі заклікалі знешнепалітычнае ведамства разгледзець пытанне аб увядзенні візавых і іншых санкцый у дачыненні да беларускіх уладаў.
Аналагічнае рашэнне прынята кіраўніцтвам Польшчы. З 1 студзеня нацыянальныя польскія візы (доўгатэрміновыя) грамадзянам Беларусі выдаюцца бясплатна.