27.01.2011 / 18:40

Інтэлігенцыя Санкт-Пецярбурга, у тым ліку Барыс Стругацкі, заклікала Еўропу быць цвёрдай з Лукашэнкам 11

«Улічыць небяспеку, што сыходзіць ад непрадказальнага дыктатара».

Прадстаўнікі інтэлігенцыі Санкт-Пецярбурга склалі адкрыты ліст да міжнароднай супольнасці з нагоды паслявыбарчых рэпрэсій у Беларусі. Да звароту далучыліся пісьменнік Барыс Стругацкі, рок-музыка Вадзім Курылёў, гісторык Сяргей Бялецкі,
а таксама журналісты, інжынеры, юрысты не толькі з Пецярбурга, але і з іншых гарадоў Расіі.

Ініцыятараў ліста закранула тое, што «разнастайныя імітацыйныя грамадскія структуры» маюць нахабства выступаць ад імя «расійскай інтэлігенцыі» ў падтрымку рэжыму Лукашэнкі.

«Мы, пецярбуржцы — прадстаўнікі навукі, культуры, мастацтва, юрыспрудэнцыі, журналістыкі — не можам застацца ўбаку ад таго, што адбываецца. Мы далучаем свае галасы да пратэсту ўсіх сумленных людзей у Еўропе, ЗША, ва ўсім свеце. Мы высока ацэньваем учынак еўрапейскіх дыпламатаў і кіраўнікоў дзяржаў, якія не пажадалі браць удзел у ганебнай „інаўгурацыі“ Аляксандра Лукашэнкі», — адзначаецца ў лісце, скіраваным у структуры ЕС у Брусэль.

Пецярбуржцы заклікаюць палітыкаў, дыпламатаў, журналістаў, проста неабыякавых людзей усяго свету не заставацца ўбаку ад «трагедыі, што адбываецца практычна ў самым цэнтры Еўропы», усімі даступнымі сродкамі дабівацца вызвалення арыштаваных, а таксама «улічыць небяспеку, што сыходзіць ад непрадказальнага і некіраванага дыктатара краіны, тэрыторыя якой з’яўляецца стратэгічным, у тым ліку і вайсковым плацдармам».

Ад цвёрдасці пазіцыі Еўропы і свету ў дачыненні да беларускага рэжыма залежыць, ці паўторацца на постсавецкай прасторы сталінскія і нацыстскія злачынствы, адзначаецца ў лісце.

Як паведаміла «НН» адна з ініцыятарак стварэння звароту, журналістка Святлана Гаўрыліна, подпісы пад ліст працягваюць дадавацца. Далучыцца да ініцыятывы можна тут.

СМ

0
За свободу! / Адказаць
27.01.2011 / 19:52
@Улічыць небяспеку, што сыходзіць ад дыктатара@ А не пора ли всем нам 'Улічыць небяспеку'? Доколе можно терпеть? Не пора ли на 'красный террор' ответить 'белым террором'? --- Спаса со стены под рубаху снял, --- Хату подпалил, да обрез достал --- При советах жить - торговать свой крест. --- Сколько нас таких уходило в лес! (c) А может, не с Минска начинать-то надо? Может, ну их эти площади? Слава Богу, партизанские традиции у нас, Белорусов имеются. Или как?
0
pravdalena / Адказаць
27.01.2011 / 21:51
Вот, видите какой страшный режим в Беларуси! Сначала разделил семьи на наших и ваших, затем страну. а теперь и Россию!Да не стоит этот господин такого внимания, люди! Боритесь за наших узников, а ГУЛАГ в защите не нуждается! ШОС, одним словом.
0
Ёпрст / Адказаць
28.01.2011 / 00:56
Ну і хто табе ліст з такой прапановай даў?
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру