Сяргей Касціцын дасягнуў адзнакі ў 100 бамбардзірскіх балаў у НХЛ

«Нэшвіл», за які выступае беларускі форвард, выйграў сёння ноччу ў «Дэтройта» Руслана Салея з лікам 4:1 (2:0, 2:1, 0:0).

Сяргей Касціцын быў прызнаны найлепшай зоркай матча: ён закінуў адну шайбу і зарабіў асістэнцкі пас, дасягнуўшы адзнакі ў 100 бамбардзірскіх балаў у НХЛаўскай кар’еры.

На сёння ў яго актыве 39 закінутых шайбаў і 61 галявая перадача ў 206 матчах рэгулярнага чэмпіянату. 68 (24+44) балаў ён зарабіў, гуляючы за «Манрэаль». Яшчэ ў Касціцына-малодшага 8 (3+5) балаў у розыгрышах Кубка Стэнлі, але ў НХЛ паказчыкі рэгулярнага сезона і плей-оф не суміруюцца.

Першую ў сёлетнім сезоне шайбу закінуў і беларускі абаронца Руслан Салей

«Беларускі дэсант»-2010/11

Андрэй Касціцын (Манрэаль) — 54 гульні, 29 (13+16) балаў;

Міхаіл Грабоўскі (Таронта) — 53 гульні, 41 (22+19) бал;

Руслан Салей (Дэтройт) — 53 матчы, 9 (1+8) балаў;

Сяргей Касціцын (Нэшвіл) — 51 матч, 32 (15+17) балаў.

Паводле gazetaby.com

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ