11.02.2011 / 12:43

БНФ такі высяляць з Сядзібы на Машэрава 14

Але камунальнікі не збіраюцца здаваць офіс БНФ у арэнду іншай арганізацыі.

На сустрэчы з намеснікам старшыні Мінгарвыканкама намесніку старшыні БНФ Рыгору Кастусёву намякнулі, што БНФ варта пачаць шукаць сабе новы офіс. З цяперашняга, на Машэрава 8, партыю будуць намагацца выселіць.

«Там прысутнічаў кіраўнік аддзела па эксплуатацыі нежылога фонду. Адназначна мне было сказана, што на 99,9% яны будуць спрабаваць нас выселіць. Я сказаў, што мы будзем аспрэчваць у вышэйшых інстанцыях, у судовым парадку. Мне сказалі, што гэта нашае права. Але адзначана, што рыхтуйцеся, шукайце. Сказалі, што ёсць іншыя магчымасці атрымання офіса, не толькі дзяржаўны. Таму — «майце на ўвазе, што мы будзем імкнуцца вас выселіць».

Прычына высялення, па словах чыноўнікаў, у тым, што

Партыя БНФ некалькі разоў парушыла тэрмін аплаты арэнды ў мінулыя гады.

Але аддаваць памяшканне БНФ нейкай іншай арганізацыі не збіраюцца, сказалі ў ЖРЭА Савецкага раёна Мінска. Праўда, там не выключаюць, што выселіць БНФ адразу не атрымаецца.

«Калі атрымаецца і БНФ вызваліць памяшканне ў добраахвотным парадку, гэтыя плошчы ЖРЭА забярэ для ўласных патрэбаў. А калі не атрымаецца, і горад скажа пакінуць, дык будзе сядзець БНФ, як і сядзеў. Пытанне гэтае (здаць у арэнду прыватніку) не разглядаецца і разглядацца не будзе».

Тым часам у БНФ ужо пачалі думаць пра варыянты пераезду.

«Ёсць многа альтэрнатыўных варыянтаў. Я ўжо імі займаюся. Пакуль рана пра іх казаць, таму што гэта толькі першыя спробы. Але я на месцы не буду сядзець і буду гэтым цесна і глыбока займацца», — распавёў Рыгор Кастусёў.

Дамова арэнды заканчваецца 1 красавіка,

таму калі праз суд не атрымаецца яе працягнуць, дык магчыма, што на звыклым Машэрава, 8 ужо не будзе сядзібы БНФ.

0
Вова / Адказаць
11.02.2011 / 13:07
В Шабанах или в Малиновке - отлично. Будут приходить самые стойкие.
0
mikola ramanau / Адказаць
11.02.2011 / 13:07
zmenic mesca Sadziby,geta jak adabrac glytok svezau pavetra...adnak geta esce ni paraza i tre pagadzicca i perabiracca nekudy.
0
Inhvar / Адказаць
11.02.2011 / 13:49
Рэжым лiквiдуе апошняю Выспу Свабоды.Беларусаў моцна прынiзiлi! Што рабiць,калi на роднай зямлi,нам не засталося месца? Давайце прасiць,як габрэi ў 1945 годзе,кавалак зямлi(нават у РФ)каб захаваць наш этнас.Калi б ў нас была б аўтаномiя,мы наладзiлi б сапраўднае беларускае жыццё,i не марнавалi б час,у бязконцым змаганьнi,якое адымае шмат энэргii.Пакуль Жыве Беларусь!
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру