15.02.2011 / 13:58

Мясніковіч: Сельская гаспадарка знаходзіцца ў жудасным стане 18

Заявіў прэмер-міністра на пасяджэнні прэзідыума Саўміна па пытаннях развіцця аПК і падрыхтоўкі да веснавых палявых работ.

photo.bymedia.net

Эканоміка сельскай гаспадаркі знаходзіцца ў жудасным стане, заявіў прэм’ер-міністр Міхаіл Мясніковіч 15 лютага на пасяджэнні прэзідыума Саўміна па пытаннях развіцця аграпрамысловага комплексу і падрыхтоўкі да веснавых палявых работ.

Кіраўнік урада нагадаў, што перад галіной стаяць вялікія задачы — выйсці да 2015 года на 7 млрд. долараў экспарту сельгаспрадукцыі, забяспечыўшы пры гэтым станоўчае знешнегандлёвае сальда на ўзроўні 4 млрд. долараў.

«Гэта вельмі цяжка. І цяжка таму, што ў прынцыпе эканоміка галіны знаходзіцца ў дрэнным стане. Нават, я б сказаў, у жудасным (отвратительном)», — падкрэсліў прэм’ер-міністр.

Ён зазначыў, што ў прадпрыемстваў АПК вялікія даўгі. «Трэба вырашаць гэтае пытанне», — канстатаваў Мясніковіч.

Таксама ён звярнуў увагу на наяўнасць вялікай колькасці праграм па развіцці аграпрамысловага комплексу. «Рэгламент працы распісаны на ўсе выпадкі жыцця. Але праграмы самі па сабе не рэалізуюцца. Патрабуецца практычная праца і канкрэтны сістэмны падыход», — зазначыў кіраўнік урада.

Перш за ўсё, паводле слоў прэм’ер-міністра, неабходна надаць увагу арганізацыйным пытанням, стану матэрыяльна-тэхнічнай базы, кадраваму забеспячэнню, пытанням, звязаным з эканомікай галіны і прававым забеспячэннем.

Кіраўнік урада закрануў пытанне правядзення веснавой сяўбы. Мясніковіч падкрэсліў неабходнасць арганізавана правесці веснавыя палявыя работы, таму што гэта «практычна старт новай пяцігодкі».

Паводле звестак Белстата, на 1 снежня 2010 года запазычанасць па крэдытах і пазыках сельскай гаспадаркі (уключаючы арганізацыі па абслугоўванні сельскай гаспадаркі) складала 18,1 трлн. рублёў, пратэрмінаваная крэдыторская запазычанасць — 2 трлн. 184,3 млрд. рублёў.

0
Заўтра / Адказаць
15.02.2011 / 14:04
Гэны мясьнік аднекуль засланы! Далібог, казачок! Як гэта - "у жудасным стане", калі яшчэ ад чарак на дажынках не пасьпелі ачуняць, а колькі тамака казалі пра неверагодныя посьпехі. Вось што значыць адсутнасьць презіка ў белсаўгасе!!! Параспускалі языкі, стыдоба нават на тэлевізіі цытаваць мясьніка, а трэба ж...
0
Міхаліна / Адказаць
15.02.2011 / 14:44
Саветы знішчылі беларускае сялянства падчас калектывізацыі і сталінскіх рэпрэсіяў - таму і не будзе гаспадароў у вёсцы - пакуль не будзе прыватнай маёмасці на зямлю для жадаючых працаваць на ёй - і дзяржаўных гарантый для іх падтрымкі такіх людзей - пакуль моцна не стануць на ногі. А калгасы - гэта толькі далейшая дэградацыя і шлях у нікуды.
0
сабака / Адказаць
15.02.2011 / 14:58
насамрэч жудасны? што ж гэта робiцца? ратуначкi
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру