Зімовая пілігрымка каталіцкіх вернікаў у памежную зону на Дзень памяці росіцкіх пакутнікаў.
У касцёл Святой Троіцы з’ехалася трыста вернікаў.
Споведзь.
Зімой тэмпература ў касцёле не падымаецца вышэй за нуль.
Пілігрымы.
Абраз росіцкіх пакутнікаў Юрыя і Антонія.
Камунія.
Пачатак жалобнай працэсіі да Пляцу мучаніцтва.
Зімовая пілігрымка.
Крыж, усталяваны на месцы, дзе былі спалены жыхары Росіцы і каталіцкія ксяндзы.
Кожны год у лютым невялікая вёска Росіца ў Верхнядзвінскім раёне на адзін дзень робіцца месцам паломніцтва каталіцкіх вернікаў. Тут яны ўшаноўваюць памяць
Касцёл Святой Тройцы ў вёсцы Росіца пабудаваны ў 1914 годзе ў неараманскім стылі панамі Лапацінскімі. Цяпер тут служаць айцы Чэслаў Курачка і Генрых Кулеша. Сама вёска налічвае крыху болей за 200 жыхароў, парафія — адны з самых малалікіх у Беларусі.
Найбольшая колькасць пілігрымаў прыехала з Мінска, Барысава, Глыбокага, Жодзіна, Полацка, Віцебска, Друі і Верхнядзвінска — усіх разам было каля трохсот чалавек. Вёска знаходзіцца ў памежнай зоне — праз 12 кіламетраў ужо тэрыторыя Латвіі.
Памінальную імшу за росіцкіх пакутнікаў адслужыў айцец Францішак Кісель. Па традыцыі яна скончылася жалобным крыжовым шляхам да месца, дзе ў 1943 годзе разам з жыхарамі Росіцы загінулі святары.
Усяго падчас росіцкай трагедыі 16–18 лютага 1943 года ў агні загінула 1528 чалавек. У гэты час у вёсцы прайшла антыпартызанская карная аперацыя «Зімовы цуд» у якой удзельнічалі 7 латвійскіх батальёнаў, адна украінская і літоўская рота СС. Пасля сарціроўкі людзей звозілі ў калгасную стайню, якую і падпалілі. Ксяндзы Юрый Кашыра і Антоній Ляшчэвіч адмовіліся пакінуць сваіх парафіянаў.
У 1999 годзе папа Ян Павел II абвясціў кс. Юры Кашыру і Антонія Ляшчэвіча блаславёнымі.
Цяпер на месцы дзе былі спалены айцы Юры і Антоній — «Пляцу мучаніцтва» стаіць памятны крыж.
