22.02.2011 / 12:38

Беларусь закупіць у Расіі дывізіён зенітных ракетных сістэм "Тор-М2Э" 2

Беларусь закупіць у Расіі дывізіён зенітных ракетных сістэм новага пакалення «Тор-М2Э». Пра гэта паведаміў міністр абароны Юрый Жадобін вечарам 21 лютага ў эфіры тэлепраграмы «Актуальнае інтэрв’ю» Першага канала.

Паводле слоў кіраўніка абароннага ведамства, першая батарэя «Тор-М2Э» будзе пастаўлена ў Беларусь у 2011 годзе. Кантракт, які, як зазначыў Жадобін, быў заключаны на вельмі выгадных для краіны ўмовах, разлічаны на тры гады.

Зенітная ракетная сістэма «Тор-М2Э» з’яўляецца прадстаўніком новага пакалення баявых сродкаў СПА малой далёкасці класа «Тор». Вызначаецца павышанай эфектыўнасцю адбівання масіраваных налётаў сучасных сродкаў паветранага нападу ва ўмовах агнявога і радыёэлектроннага супрацьдзеяння.

У канцэрне СПА «Алмаз-Антэй» — распрацоўшчыку сістэмы — заяўляюць, што «Тор-М2Э» — гэта эфектыўны сродак паражэння самалётаў, верталётаў, аэрадынамічных беспілотных лятальных апаратаў, кіруемых ракет і іншых элементаў высокадакладнай зброі, якія лятаюць на сярэдніх, малых і межава малых вышынях у складаным паветраным і памехавым становішчы.

Зенітная ракетная сістэма «Тор-М2Э» на колавым шасі ствараецца ў кааперацыі з Мінскім заводам колавых цягачоў.

У складзе «Тор-М2Э» — баявая машына на колавым шасі або на гусенічным шасі; зенітны ракетны модуль з чатырма зенітнымі кіраванымі ракетамі; транспартна-зараджальная машына; транспартная машына; машыны тэхнічнага абслугоўвання; машына групавога камплекта запасных частак і прыналежнасцяў; камплект такелажнага абсталявання; трэнажор аператараў баявых машын; майстэрня тэхнічнага абслугоўвання.

Хочаш падзяліцца важнай інфармацыяй ананімна і канфідэнцыйна?

0
Дмитро / Адказаць
22.02.2011 / 13:29
лукашенко готовится сбивать самолёты НАТО?
0
0flk / Адказаць
22.02.2011 / 17:50
Сьмешна! Грузія ўжо паваявала з расеяй. Калі НАТО схоча, то і ТОР не дапаможа.
Каб пакінуць каментар, калі ласка, актывуйце JavaScript у наладах свайго браўзеру