22.02.2011 / 13:28

Глобус пра Някляева: Развальваў усё, развальвае апазіцыю 72

Палітолаг Андрэй Іларыёнаў пра падзеі ў Мінску сказаў: «З расійскага боку рыхтавалася правакацыя пад назваю „Імітацыя аранжавай рэвалюцыі“. Менавіта такога кшталту правакацыю расійскія ўлады і рыхтавалі…» Я б не паверыў Іларыёнаву, каб не ведаў імітатара. Безумоўна, наш Някляеў як быў, так і застаўся імітатарам. Усё, за што ён колісь браўся, было развалена, разбурана і панішчана. Ён разваліў самы ўплывовы часопіс «Крыніца», ён разваліў Саюз пісьменнікаў, ён развальвае і дыскрэдытуе апазіцыйны рух. Ніякіх палітычных перакананняў у імітатара няма і ніколі не было; ні тады, калі ён чытаў вершы на з’ездзе КПСС, ні цяпер, калі чытаў гумарыстычныя куплеты замест праграмы неабходных дзеянняў. Някляеў стаў закладнікам сваёй непамернай пыхі. Праз цёмныя калідоры ён узлез на вяршыню апазіцыйнай піраміды і разгубіўся. Ён пачаў выконваць усё, што яму казалі дарадцы. «Ён зробіць усё, што мы яму скажам!» — смяялася мне ў твар журналістка Марына. Жах у тым, што Марына казала праўду. Някляеў цалкам падпарадкоўваўся чужой волі. Пагаджаючыся з Іларыёнавым пра наяўнасць імітатараў у рэвалюцыі, я не магу адназначна прыняць ягоныя словы пра расійскі бок. На мой розум, каб за імітатарам стаяла Масква, ён не стаў бы блытацца з абхазскім пытаннем. Калі ў Някляева запыталіся: «Ці прызнаяце незалежнасць Абхазіі?», ён пачаў расказваць, што ведае пра існаванне абхазаў. Прамаскоўскі палітык сказаў бы, што прызнае Абхазію незалежнай дзяржавай. Высновы, якія я зрабіў, разважаючы над словамі Андрэя Іларыёнава, даволі сумныя… Дзяржава не адрознівае імітатараў рэвалюцыі і рэвалюцыянераў, яны для яе ўсе на адзін твар.

Хочаш падзяліцца важнай інфармацыяй ананімна і канфідэнцыйна?

0
Таня / Адказаць
22.02.2011 / 13:35
Мне здаецца, не час варушыць брудную бялізну. Нават, такому паважанаму пісьменніку, як Адам Глобус. Разумею, што гэта -- яго прыватнае меркаванне. Але не час. Някляеў пад хатнім арыштам. І гэтым сказана ўсё.
0
Маша / Адказаць
22.02.2011 / 13:35
А, понятно... Оказывается, во всем виноват Некляев... товарищ Глобус, не пишите дальше.
0
крытык / Адказаць
22.02.2011 / 13:35
Глобус ганіць усіх, хто таленавіцейшы за яго. Ён стараецца іх знішчыць. Так было з геніяльным паэтам Анатолем Сысом -- якому Глобус даваў грошы на выпіўку, і ў выніку Сыс памёр. Так цяпер і з Някляевым. Гэта амаральна -- лупцаваць свайго калегу, якому пагражае 15 гадоў турмы! Якія б ні былі прыватныя адносіны пры гэтым. Глобус як творца і побач з Някляевым не стаяў. Але сам ён лічыць, што выбітныя творцы -- выключна ён, ягоны бацька і брат. Астанія -- лайно. Вось толькі бацьку ўжо забылі, а самога Глобуса забудуць як толькі ён перастане нагадваць пра сябе такімі вось мярзотнымі плявузганнямі.
Паказаць усе каментары/ 72 /
Каб пакінуць каментар, калі ласка, актывуйце JavaScript у наладах свайго браўзеру