Камандзір брыгады спэцназу ГРУ, палкоўнік Уладзімір Барадач каментуе заявы Аляксандра Лукашэнкі адносна магчымасці выкарыстання арміі для навядзення канстытуцыйнага парадку ў краіне.
Аб гэтым Лукашэнка заявіў, выступаючы перад вайскоўцамі падчас наведвання Другой інжынернай брыгады Узброеных сілаў Беларусі.
Абламейка: Як бы вы пракаментавалі заяву Лукашэнкі аб тым, што, каб была патрэба, ён бы не спыніўся перад выкарыстаннем войска супраць мірнага насельніцтва ў выпадку масавых дэманстрацыяў?
Барадач: Нават я ў шоку. Што кіраўнік дзяржавы можа адкрыта ўсяму цывілізаванаму свету зрабіць такія заявы.
Ён разлічвае на дзве дэсантныя брыгады, дзве брыгады спецназу? Уявіце сабе, колькі людзей выйшлі з гэтых брыгадаў, сталі за станкі і зараз папаўняюць армію беспрацоўных. І ім да складоў са зброяй як рукой падаць. Але пра гэта не задумваецца прэзідэнт, робячы такія заявы. І гэта дарослыя мужыкі, а ім ён хоча проціпаставіць
Абламейка: Якімі дакументамі, апрача Канстытуцыі, рэгламентуецца выкарыстанне войска супраць мірнага насельніцтва? Ці дазваляецца гэта вайсковымі статутамі?
Барадач: Ніякіх статутаў, ніякіх дакументаў няма пра выкарыстанне Узброеных сілаў супраць уласнага народа. Войска можа ўдзельнічаць у дапамозе насельніцтву толькі пры нейкіх масавых стыхійных бедствах. Няма ніводнага дакумента, які рэгламентаваў бы выкарыстанне Узброеных сілаў нават для навядзення нейкіх парадкаў у краіне. Тым больш, што міліцыі ў нас зараз больш, каб вырашыць любыя праблемы.
Абламейка: А якія цяпер палітычныя настроі ў беларускім войску? Ці можа Лукашэнка стопрацэнтна быць упэўнены ў беларускім войску?
Барадач: У нашых людзей трохі іншы менталітэт. У генералаў, афіцэраў. Яны, калі не прытрымліваюцца і не ведаюць законаў, то яны слухаць сваё сэрца і натуральна, статут, дзе
ніводзін пункт гэтага асноўнага дакумента для войска не прадугледжвае выкарыстання Узброеных сілаў супраць уласнага народа.І пераважная частка афіцэраў зарыентуецца ў патрэбны момант і зразумее, што яны выконваюць злачынны загад. А там ёсць палажэнне, што нельга выконваць злачынны загад. Я дакладна ведаю, што,
калі прыйдзе такі момант, што войска паспрабуюць выкарыстаць супраць рабочых, якія выйшлі на дэманстрацыі, то знойдзецца шмат афіцэраў, які стануць на бок свайго народа.