24.02.2011 / 10:53

Адлічаны студэнт просіць ЕС унесці кіраўніцтва ВНУ ў спіс невыязных 16

Уладзімір Кумец расказвае, як адміністрацыя сфальсіфікавала заліковую ведамасць. Студэнта 5-га курса Міжнароднага гуманітарна-эканамічнага інстытута выключылі, пасля таго як ён арганізаваў сход за Някляева.

Уладзімір Кумец расказвае, як адміністрацыя сфальсіфікавала заліковую ведамасць.

Уладзімір Кумец быў актывістам выбарчага штаба Уладзіміра Някляева. Цяпер ён просіць кіраўніцтва Еўрасаюза ўнесці кіраўнікоў Міжнароднага гуманітарна-эканамічнага інстытута (МГЭІ) у спіс неўязных у краіны ЕС. Свой зварот ён у Дзень абаронца айчыны, 23 лютага накіраваў на Кэтрын Эштан.

«Напярэдадні выбараў, у лістападзе 2010 года, я быў незаконна выключаны з ліку студэнтаў 5-га курса Міжнароднага гуманітарна-эканамічнага інстытута, — гаворыцца ў лісце Кумца. — Мае апеляцыі ў Міністэрства адукацыі і Мінскі раённы суд не далі вынікаў».

Кумца адлічылі неўзабаве пасля таго, як ён арганізаваў сход жыхароў па вылучэнні Някляева на Усебеларускі народны сход.

«Ацэнка дзевяць за экзамен па англійскай мове, пастаўленая і ў заліковую кніжку, ва ўніверсітэцкай ведамасці была зменена на тройку. Больш за тое, на судовых пасяджэннях аказалася, што адміністрацыя сфальсіфікавала афіцыйную ведамасць яшчэ раз, прад’яўляючы яе суду ўжо з ацэнкай дзевяць, як і было спачатку. Пры гэтым універсітэт падрыхтаваў суду іншае абгрунтаванне майго выключэння, а менавіта пропускі заняткаў», — піша хлопец.

Былы студэнт прапаноўвае ўключыць у спіс ЕС генеральнага дырэктара інстытута Аляксандра Алпеева, рэктара Тамару Алпееву, а таксама старшыню аддзела кадраў Алену Сталярову, якія, паводле яго слоў, «кіравалі працэсам адлічэння, падмянялі ведамасці і давалі лжывыя сведчанні на судовым працэсе».

МГЭІ — гэта прыватны ўніверсітэт. Адлічэнні на пятым курсе -- крайне рэдкі выпадак у беларускіх ВНУ.

У спіс ЕС уключаны рэктар Беларускага дзяржаўнага ўніверсітэта Сяргей Абламейка. Хоць ён прынцыпова не выключыў са свайго ўніверсітэта ніводнага студэнта.

«Людзі парушаюць закон і павінны панесці пакаранне», — адзначае былы студэнт у лісце Эштан.

* * *

У лістападзе Аляксандр Алпееў тлумачыў для газеты "Народная воля": "Ды за ім [Кумцом] шлейф цягнецца ад першага курса! Уявіце, што ён са 130 гадзін прапусціў 110... А з выкладчыкам выйшла так: выкладчык узяў і зрабіў такое, дарэчы, ён ужо мной пакараны строгай вымовай. Пакараў яго за тое, што ён у ведамасць паставіў 3 балы, а ў залікоўку паставіў 9. Ён патлумачыў гэты тым, што памыліўся. Ну, каб не было больш такіх памылак, я яму вымову строгую і папярэджанне... Што да хлопца, то я займаю прынцыповую пазыцыю. Ведаеце, я свайго роднага пляменніка адлічыў. Я яму сказаў: "Ніводнай гадзіны пропускаў". Таксама Алпееў тады наракаў на ціск з боку сяброў Кумца: "Учора яны прыйшлі, хуліганы. Яны пачалі абражаць жанчыну, кіраўніцу ўпраўлення, метадыста. З ім прыйшлі два сябры ініцыятыўнай групы Алег Мяцеліца і Юры Алейнік. Казалі на жанчыну: "Ты лукашэнкаўскае быдла. З-за такіх, як ты мы кепска жывем. Адарві свой зад ад крэсла і бяжы, прынясі нам загад". Гэта ж трэба? Някляеў сам быў у мяне тут. Ім жа вартаўнік казаў, каб яны не хадзілі, а яны прайшлі праз вахту. Да мяне тут без стуку ўварваліся ў кабінет. Хуліганскія элементы".

0
Владимир Высоцкий / Адказаць
24.02.2011 / 11:07
Из спектакля "Свой остров" Я не люблю фатального исхода. От жизни никогда не устаю. Я не люблю любое время года, Когда веселых песен не пою. Я не люблю открытого цинизма, В восторженность не верю, и еще, Когда чужой мои читает письма, Заглядывая мне через плечо. Я не люблю, когда наполовину Или когда прервали разговор. Я не люблю, когда стреляют в спину, Я также против выстрелов в упор. Я ненавижу сплетни в виде версий, Червей сомненья, почестей иглу, Или, когда все время против шерсти, Или, когда железом по стеклу. Я не люблю уверенности сытой, Уж лучше пусть откажут тормоза! Досадно мне, что слово "честь" забыто, И что в чести наветы за глаза. Когда я вижу сломанные крылья, Нет жалости во мне и неспроста - Я не люблю насилье и бессилье, Вот только жаль распятого Христа. Я не люблю себя, когда я трушу, Обидно мне, когда невинных бьют, Я не люблю, когда мне лезут в душу, Тем более, когда в нее плюют. Я не люблю манежи и арены, На них мильон меняют по рублю, Пусть впереди большие перемены, Я это никогда не полюблю.
0
Анатоль Сідарэвіч / Адказаць
24.02.2011 / 11:28
Паставіць тройку ў залікоўку, а дзявятку - ведамасць, гэтак пераблытаць? Алпееў што, мяне і нас за дурняў прымае? Ці выкладчык быў у дыміну п'яны?
0
Татьяна / Адказаць
24.02.2011 / 11:31
Абламейка исключил Татьяну Шапутько- для тех кто забыл
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру