Пра гэта на прэс-канферэнцыі 1 сакавіка, прысвечанай прэзентацыі рэгіянальнага даклада ПРААН «Удзел бізнесу ў вырашэнні праблемы беднасці», паведаміла каардынатар эканамічных праектаў ПРААН Людміла Істоміна.

«Гэта значыць, 6% насельніцтва жыве

ніжэй афіцыйнага нацыянальнага ўзроўню беднасці»,
 — патлумачыла Істоміна.

Яна адзначыла, што гэты паказчык з’яўляецца адным з самых нізкіх у рэгіёне еўрапейскіх краін з пераходнай эканомікай і СНД.

Эксперт патлумачыла, што да бедных слаёў насельніцтва могуць адносіцца сем’і з трыма і больш дзецьмі, грамадзяне з нізкім узроўнем адукацыі, беспрацоўныя, маладыя людзі, якія вучацца ў ВНУ і не знайшлі працы. Істоміна адзначыла, што ў першых радах бедных слаёў насельніцтва жыхары малых гарадоў (асабліва з горадаўтваральнымі прадпрыемствамі) і сельскіх населеных пунктах.

На думку Істомінай, менавіта на гэтыя слаі насельніцтва неабходна звярнуць увагу для ўцягвання іх у сферу бізнесу, які прадаставіць ім магчымасць працы па заказе, па субкантрактах. Сярод перашкод па развіцці бізнесу ў малых гарадах эксперт назвала недахоп інфармацыі аб умовах адкрыцця сваёй справы.

«Лепшы метад для таго, каб уцягнуць іх у бізнес і развіць прадпрымальніцтва, гэта іх убудоўванне ў інклюзіўны бізнес, у існуючы тэхналагічны ланцужок буйных прадпрыемстваў, даць ім магчымасць занятасці або даць заказ», — лічыць Істоміна.

Хочаш падзяліцца важнай інфармацыяй ананімна і канфідэнцыйна?