02.03.2011 / 15:34

Барыса Хамайду пазбавілі апошняй «індульгенцыі» 5

На скаргу міліцэйскага кіраўніцтва віцебскі абласны суд адмяніў пастанову Чыгуначнага райсуду, згодна зь якой выхады апазыцыянэра зь бел-чырвона-белым сьцягам не лічыліся несанкцыянаваным пікетам.

Судзьдзя абласнога суду Сьвятлана Іванова пастанавіла, што апраўдальнае рашэньне, вынесенае 10-га лютага судзьдзёй Чыгуначнага райсуду Аленай Грабянчук, падлягае адмене. Прычына адмены — неадпаведна аформлены міліцэйскі пратакол, які разглядаўся ў судзе: у ім нібыта недакладна названыя адзнакі пікету, які ўсё ж праводзіў Барыс Хамайда.

23-га лютага падобнае рашэньне прыняла судзьдзя абласнога суду Ірына Смалякова. Яна адмяніла апраўдальную пастанову, вынесеную 4-га лютага судзьдзёй Чыгуначнага райсуду Аленай Цыганковай, якая ня ўбачыла ў дзеяньнях апазыцыянэра складу правапарушэньня.

Барыс Хамайда кажа, што ніякія судовыя рашэньні яго ня спыняць:

«Раней пастановы Цыганковай і Грабянчук былі маімі „індульгенцыямі“ — мяне пэўны час не затрымлівалі, калі я выходзіў пад бел-чырвона-белым сьцягам распаўсюджваць незалежныя СМІ. Але цяпер сытуацыя зьмянілася: некалькі дзён таму мяне зноў затрымалі, і судзьдзя Чыгуначнага райсуду Ўладзіслаў Шыкароў прысудзіў мне штраф памерам 1 мільён 50 тысяч рублёў. Я разумею, чаму скаргі ў абласны суд ініцыяваў начальнік Чыгуначнага райаддзелу міліцыі: ён ня хоча, каб я стаяў у цэнтры Віцебску пад нацыянальным сьцягам і каб гэта бачылі мінакі».

Апазыцыянэр зьбіраецца пашыць новы бел-чырвона-белы сьцяг замест таго, які застаўся ў пастарунку, і выйсьці зь ім у бліжэйшыя дні.

3-га студзеня спадар Хамайда абвясьціў акцыю «2011 год — год нацыянальнага сьцяга», прысьвечаную 20-м угодкам беларускай незалежнасьці. І мае намер яе працягваць.

Хочаш падзяліцца важнай інфармацыяй ананімна і канфідэнцыйна?

0
Вiцебск / Адказаць
02.03.2011 / 15:55
спадзяюся атрымаецца ўласнымi намаганьнямi сабраць грошы маю рацыю, што толькi салiдарнасьць уратуе Беларусь
0
акупацыя / Адказаць
02.03.2011 / 18:19
Рэжым падабраў двух ...: Смалякову i Шырокава, якiя: першая адмянлiла папярэдняе рашэньне, а той засудзiў за бел-чырвона-белы сьцяг. Кавленку гэтак жа сама "судзiлi", падбiралi "судзiльшчыкаў". Судзьдзя - ..., пракурор-..., мiлiцыянты-"пацярпелыя" - ..., пасквiль у Вiцебскiм рабочым прыгатавалi дзьве ..., нам. Адмiнiстрацыi, якi даваў загад на той пасквiль - ....
0
sid / Адказаць
02.03.2011 / 20:19
Рэд. Дзякуй, выдалілі
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру