02.03.2011 / 16:45

Сапраўдная беларуская кухня: Грачаная каша з грыбамі 2

300 г морквы, 150 г сушаных грыбоў, 350 г рэпчатай цыбулі, 450 г грэчкі, 750–800 мл воды, соль і масла па гусце, 200 г алею.

Сухія грыбы замачыць ў гарачай вадзе на ноч.

Цыбулю і грыбы парэзаць кубікамі. Моркву нацерці на буйную тарку. У таўстасценным рондалі ці казане разагрэць алей і падсмажыць у ім цыбулю да празрыстасці, дадаць грыбы, перамяшаць і прасмажыць ўсе разам, дадаць моркву і яшчэ падсмажыць, памешваючы, пакуль морква не зарумяніцца. пасаліць.

Засыпаць прамытую грэчку, перамяшаць і заліць ўсё гарачай вадой. Як закіпіць — паменшыць агонь да сярэдняга. Калі вада з паверхні сыдзе (частка выкіпіць, а частка ўбярэцца ў крупы), акуратна перамяшаць кашу, можна дадаць па смаку масла, накрыць рондаль вечкам і паменшыць агонь да мінімуму або паставіць рондаль з кашай у духоўку (каша павінна ўпрэць). Калі каша ўпрэе і ўся вада ўбярэцца, а крупы дойдуць да гатоўнасці, падаваць на стол.

Хочаш падзяліцца важнай інфармацыяй ананімна і канфідэнцыйна?

З кнігі Юрый Качук. Моц смаку. Беларуская кухня

0
Лясны Брат / Адказаць
02.03.2011 / 19:35
Асабліва зараз дарэчы!
0
KNIHI.BY / Адказаць
24.03.2011 / 18:55
Кнігу \"Моц Смаку\" можна замовіць тут: http://knihi.by/knihi/kacuk-jury-moc-smaku
Каб пакінуць каментар, калі ласка, актывуйце JavaScript у наладах свайго браўзеру